Martyrologium Romanum > Januarius > 13 Idibus Januarii

 

 

12 Januarii

      13                        Idibus Januarii. Luna . . .                     F xviii

a     b     c     d     e     f     g     h     i     k     l      m     n     p     q     r     s     t     u
14   15     16    17    18     19    20    21    22    23    24     25     26     27    28     29   30     1      2

A         B          C           D         E           F            F            G            H            M            N          P
3          4           5           6          7           8            8             9            10           11           12        13

 

Octáva Epiphaníæ Dómini.

Pictávis, in Gállia, natális sancti Hilárii, Epíscopi et Confessóris; qui, ob cathólicam fidem, quam strénue propugnávit, quadriénnio apud Phrýgiam relegátus, ibi, inter ália mirácula, mórtuum suscitávit. Eum Pius Nonus, Póntifex Máximus, universális Ecclésiæ Doctórem declarávit et confirmávit. Ipsíus autem festum sequénti die celebrátur.

Rhemis, in Gállia, item natális sancti Remígii, Epíscopi et Confessóris. Hic gentem Francórum convértit ad Christum, Clodovéo, ipsórum Rege, sacris baptísmatis undis et fídei sacraméntis initiáto; et, cum annos plúrimos in Episcopátu explésset, sanctitáte et miraculórum glória conspícuus, decéssit e vita. Ejus vero festívitas Kaléndis Octóbris potíssimum recólitur, quo die sacrum ipsíus corpus translátum fuit.

Romæ, via Lavicána, corónæ sanctórum mílitum quadragínta, quas ipsi, sub Galliéno Imperatóre, pro veræ fídei confessióne percípere meruérunt.

Córdubæ, in Hispánia, sanctórum Mártyrum Gumesíndi Presbýteri, et Servidéi Mónachi.

In Sardínia sancti Potíti Mártyris, qui, sub Antoníno Imperatóre et Gelásio Praéside, multa passus, demum gládio martýrium consecútus est.

Singidóni, in Mýsia superióre, sanctórum Mártyrum Hérmyli et Stratoníci, qui, post sæva torménta, sub Licínio Imperatóre, in Istrum flumen demérsi sunt.

Cæsaréæ, in Cappadócia, sancti Leóntii Epíscopi, qui, sub Licínio, advérsus Gentíles, et, sub Constantíno, advérsus Ariános plúrimum decertávit.

Tréviris sancti Agrítii Epíscopi.

In Versíaco monastério, in Gállia, sancti Vivéntii Confessóris.

Amaséæ, in Ponto, sanctæ Gláphyræ Vírginis.

Medioláni, in cœnóbio sanctæ Marthæ, Beátæ Veronícæ de Binásco Vírginis, ex Ordine sancti Augustíni.

14 Januarii

 

Ad principium

Scribe | Ad paginam principalem

© 2001 - 2011  Coordinamento di Una Voce delle Venezie. All Rights Reserved.