Missale Romanum > Proprium de Sanctis > Festa Augusti > Die 14 Augusti. In Vigilia Assumptionis B. Mariæ Virginis Ordo Missæ | Præfationes | Canon Missæ Die 13 Augusti. Ss. Hippoltti et Cassiani Mm.
DIE  14  Augusti In  Vigilia  Assumptionis B. Mariæ  Virg.
	Introitus Ps. 44, 13 et 15-16 V Ultum tuum deprecabúntur omnes dívites plebis Regi Vírgines post eam : próximæ ejus adducéntur tibi in lætítia et exsultatióne. Ps. ibid., 2. Eructávit cor meum verbum bonum : dico ego ópera mea Regi. V). Glória Patri. Vultum tuum. Non dicitur Glória in excélsis. Oratio D Eus, qui virginálem aulam beátæ Maríæ, in qua habitáres, elígere dignátus es : da, quaésumus; ut, sua nos defensióne munítos, jucúndos fácias suæ interésse festivitáti : Qui vivis. Et fit Commemoratio S. Eusebii Conf. : Oratio D Eus, qui nos beáti Eusébii Confessóris tui ánnua sollemnitáte lætíficas : concéde propítius; ut, cujus natalítia cólimus, per ejus ad te exémpla gradiámur. (Per Dóminum.) Deinde dicitur 3ª Oratio de Spiritu Sancto supra. [↑] Léctio libri Sapiéntiæ Eccli. 24, 23-31 E Go quasi vitis fructificávi suavitátem odóris : et flores mei fructus honóris et honestátis. Ego mater pulchræ dilectiónis, et timóris, et agnitiónis, et sanctæ spei. In me grátia omnis viæ et veritátis : in me omnis spes vitæ, et virtútis. Transíte ad me omnes qui concupíscitis me, et a generatiónibus meis implémini. Spíritus enim meus super mel dulcis, et heréditas mea super mel et favum. Memória mea in generatiónes sæculórum. Qui edunt me, adhuc esúrient : et qui bibunt me, adhuc sítient. Qui audit me, non confundétur : et qui operántur in me, non peccábunt. Qui elúcidant me, vitam ætérnam habébunt. Graduale. Benedícta et venerábilis es, Virgo María; quæ sine tactu pudóris invénta es Mater Salvatóris. V). Virgo Dei Génitrix, quem totus non capit orbis, in tua se clausit víscera factus homo. Sequéntia sancti Evangélii secúndum Lucam Luc. 11, 27-28 I I illo témpore : Loquénte Jesu ad turbas, extóllens vocem quædam múlier de turba, dixit illi : Beátus venter, qui te portávit, et úbera, quæ suxísti. At ille dixit : Quinímmo beáti, qui áudiunt verbum Dei, et custódiunt illud. Offertorium. Beáta es, Virgo María, quæ ómnium portásti Creatórem : genuísti qui te fecit, et in ætér-num pérmanes virgo. Secreta M Únera nostra, Dómine, apud cleméntiam tuam Dei Genitrícis comméndet orátio : quam idcírco de præsénti saéculo transtulísti; ut pro peccátis nostris apud te fiduciáliter intercédat. Per eúndem Dóminum. Pro S. Eusebio                         Secreta L Audis tibi, Dómine, hóstias immolámus in tuórum commemoratióne Sanctórum : quibus nos et præséntibus éxui malis confídimus et futúris. (Per Dóminum.) Deinde 3ª Secreta de Spiritu Sancto. Præfatio communis. [↑] Communio. Beáta víscera Maríæ Vírginis, quæ portavérunt ætérni Patris Fílium. Postcommunio C Oncéde, miséricors Deus, fragilitáti nostræ præsídium : ut, qui sanctæ Dei Genitrícis festivitátem prævenímus; intercessiónis ejus auxílio, a nostris iniquitátibus resurgámus. Per eúndem Dóminum. Pro S. Eusebio                           Postcommunio R Efécti cibo potúque cælésti, Deus noster, te súpplices exorámus : ut, in cujus hæc commemoratióne percépimus, ejus muniámur et précibus. (Per Dóminum.) Deinde 3ª Postcommunio de Spiritu Sancto.
Eadem die 14 Augusti. Pro S. Eusebio Conf. Ordo Missæ | Præfationes | Canon Missæ Vangelo latino-italiano pdf
Ad principium Scribe | Ad paginam principalem © 2001 - 2015  Coordinamento di Una Voce delle Venezie. All Rights Reserved.