MISSALE ROMANUM - Die 14 Januarii. S. Hilarii Episcopi, Confessoris et Doctoris

Missale Romanum > Proprium de Sanctis > Festa Januarii

FESTA JANUARII

post Octavam Epiphaniæ occurrentia

¶ In Omnibus Missis de Officio Semiduplici aut Simplici et in Missis votivis, quæ pro re gravi et publica simul causa non sint, usque ad diem 2 Februarii inclusive, dicuntur, juxta Rubricas, Orationes pro diversitate Temporum assignatæ, nempe 2ª de sancta Maria Deus, qui salutis supra, et 3ª contra persecutores Ecclesiæ vel pro Papa supra.

____________

Die 14 Januarii

Sancti Hilarii

Ep., Conf. et eccl. Doct.

Duplex

Missa In médio, de Communi Doctorum infra.

Oratio *

D

eus, qui pópulo tuo ætérnæ salútis beátum Hilárium minístrum tribuísti : praésta, quaésumus; ut, quem Doctórem vitæ habúimus in terris, intercéssorem habére meréamus in cælis. Per Dóminum.

Et fit Commemoratio S. Felicis Presbyteris et Martyris :

Oratio

C

oncéde, quaésumus, omnípotens Deus : ut ad meliórem vitam Sanctórum tuórum exémpla nos próvocent; quátenus, quorum sollémnia ágimus, étiam actus imitémur. Per Dóminum.

Et dicitur Credo.

Secreta *

S

ancti Hilárii Pontificis tui atque Doctóris nobis, Dómine, pia non desit orátio : quæ et múnera nostra concíliet; et tuam nobis indulgéntiam semper obtíneat. Per Dóminum.

Pro S. Felice Secreta

H

óstias tibi, Dómine, beáti Félicis Mártyris tui dicátas méritis, benígnus assúme : et ad perpétuum nobis tríbue proveníre subsídium. Per Dóminum.
Postcommunio *

U

t nobis, Dómine, tua sacrifícia dent salutem : beátus Hilárius Póntifex tuus et Doctor egrégius, quaésumus, præcátor accédat. Per Dóminum.

Pro S. Felice Postcommunio

Q

uaésumus, Dómine, salutáribus repléti mystériis : ut, beáti Félicis Mártyris tui, cujus sollémnia celebrámus, oratiónibus adjuvémur. Per Dóminum.

_______________

S. Hilarii Ep., Conf. et Eccl. Doct. | Pro S. Felice Presb. et Mart. | S. Pauli primi Erem. C. | Pro S. Mauro Abb. | S. Marcelli I Papæ et Mart. | S. Antonii Abb. | In Cathedra S. Petri Ap. Romæ | Pro S. Prisca Virg. et Mart. | Ss. Marii, Marthæ, Audifacis et Abachum Mm. | Pro S. Canuto Rege Mart. | Ss. Fabiani Papæ et Sebastiani Mm. | S. Agnetis Virg. et Mart. | Ss. Vincentii et Anastasii Mm. | S. Raimundi de Peñafort Conf. | Pro S. Emerentiana Virg. et Mart. | S. Timothei Ep. et Mart. | In Conversione S. Pauli Ap. | S. Polycarpi Ep. et Mart. | S. Joannis Chrysostomi Ep., Conf. et Eccl. Doct. | S. Petri Nolasci Conf. | Pro S. Agnete Virg. et Mart. Secundo | S. Francisci Salesii Ep., Conf. et Eccl. Doct. | S. Martinæ Virg. et Mart. | S. Joannis Bosco Conf.

Ad principium

_______________