Missale Romanum > Proprium de Sanctis > Festa Augusti > Die 17 Augusti. S. Hyacinthi Confessoris Ordo Missæ | Præfationes | Canon Missæ Die 16 Augusti. S. Joachim Patris B. M. V., Conf.
DIE  17  Augusti Sancti  hyacinthi Confessoris Duplex
	Missa Os justi, de Communi Confessoris non Pontificis 1° loco infra. [↓] Oratio * D Eus, qui nos beáti Hyacínthi Confessóris tui ánnua sollemnitáte lætíficas : concéde propítius; ut, cujus natalítia cólimus, étiam actiónes imitémur. Per Dóminum. Et fit Commemoratio Octavæ Assumptionis : Oratio O Mnípotens sempitérne Deus, qui Immaculátam Vírginem Maríam, Fílii tui Genitrícem, córpore et ánima ad cæléstem glóriam assumpsísti : concéde, quaésumus; ut, ad supérna semper inténti, ipsíus glóriæ mereámur esse consórtes. Per eúndem Dóminum. Deinde Commemoratio diei Octavæ S. Laurentii Mart. : Oratio E Xcita, Dómine, in Ecclésia tua Spíritum, cui beátus Lauréntius Levíta servívit : ut, eódem nos repléti, studeámus amóre quod amóvit, et ópere exercére quod docuit. Per Dóminum... in unitáte ejúsdem. Credo, ratione Octavæ. Secreta * L Audis tibi, Dómine, hóstias immolámus in tuórum commemoratióne Sanctórum : quibus nos et præséntibus éxui malis confídimus et futúris. Per Dóminum. Pro Octava Assumptionis               Secreta A Scéndat ad te, Dómine, nostræ devotiónis oblátio, et, beatíssima Vírgine María in cælum assúmpta intercedénte, corda nostra, caritátis igne succénsa, ad te júgiter ádspirent. Per Dóminum. Pro S. Laurentio                                Secreta S Acrifícium nostrum tibi, Dómine, quaésumus, beáti Lauréntii precátio sancta concíliet : ut, cujus honóre sollémniter exhíbetur, ejus méritis efficiátur accéptum. Per Dóminum. Præfatio de Octava. [↑] Postcommunio * R Efécti cibo potúque cælésti, Deus noster, te súpplices exorámus : ut, in cujus hæc commemoratióne percépimus, ejus muniámur et précibus. Per Dóminum. Pro Octava Assumptionis                Postcommunio S Umptis, Dómine, salutáribus sacraméntis : da, quaésumus; ut, méritis et intercessióne beátæ Vírginis Maríæ in cælum assúmptæ, ad resurrectiónis glóriam perducámur : Per Dóminum. Pro S. Laurentio                                Postcommunio S Úpplices te rogámus, omnípotens Deus : ut, quos donis cæléstibus satiásti, intercedénte beáto Lauréntio Mártyre tuo, perpétua protectióne custódias. Per Dóminum.
Eadem die 17 Augusti. Pro Octava S. Laurentii Mart. Ordo Missæ | Præfationes | Canon Missæ
Ad principium Scribe | Ad paginam principalem © 2001 - 2015  Coordinamento di Una Voce delle Venezie. All Rights Reserved.