MISSALE ROMANUM - Die 1 Maij. Ss. Philippi et Jacobi Apostolorum

Missale Romanum > Proprium de Sanctis > Festa Maji > Ss. Philippi et Jacobi Apostolorum

die 1 maji

Ss. philippi et jacobi apostolorum

Duplex II classis

¶ Hodie, occurrente una ex tribus Feriis Rogationum, juxta Rubricas : 1° in Choro, post Tertiam semper dicitur Missa conventualis de Festo et, si fiat Processio, post Nonam Missa de Rogationibus; 2° extra Chorum, in Feria II, si omittatur Processio, post Nonam legitur Missa de Rogationibus, et in Feria IV post Sextam semper Missa de Vigilia. De Feria autem et de Vigilia prohibentur Missæ privatæ.

   Introitus
Neh. vel 2 Esdr. 9, 27

C

lamavérunt ad te, Dómine, in témpore afflictiónis suæ, et tu de cælo exaudísti eos, allelúja, allelúja. Ps. 32, 1. Exsultáte, justi, in Dómino : rectos decet collaudátio. V/. Glória Patri. Clamavérunt.

Oratio

D

eus, qui nos ánnua Apostolórum tuórum Philíppi et Jacóbi sollemnitáte lætíficas : præsta, quaésumus : ut, quorum gaudémus méritis, instruámur exémplis. Per Dóminum.

Léctio libri Sapiéntiæ
Sap. 5, 1-5

S

tabunt justi in magna constántia advérsus eos, qui se angustiavérunt et qui abstulérunt labóres eórum. Vidéntes turbabúntur timore horríbili, et mirabúntur in subitatióne insperátæ salútis, dicéntes intra se, poeniténtiam agéntes, et præ angústia spíritus geméntes : Hi sunt, quos habúimus aliquándo in derísum et in similitúdinem impropérii. Nos insensáti vitam illórum æstimabámus insániam, et finem illórum sine honóre : ecce, quómodo computáti sunt inter fílios Dei, et inter sanctos sors illórum est.

Allelúja, allelúja. V/. Ps. 88, 6. Confitebúntur cæli mirabília tua, Dómine : étenim veritátem tuam in ecclésia sanctórum. Allelúja. V/. Joann. 14, 9. Tanto témpore vobíscum sum, et non cognovístis me? Philíppe, qui videt me, videt et Patrem meum. Allelúja.

Sequéntia sancti Evangélii secúndum
Joánnem        Joann. 11, 1-13

I

n illo témpore : Dixit Jesus discípulis suis : Non turbátur cor vestrum. Creditis in Deum, et in me crédite. In domo Patris mei mansiónes multæ sunt. Si quo minus, dixíssem vobis : Quia vado paráre vobis locum. Et si abíero et præparávero vobis locum : íterum vénio et accípiam vos ad meípsum, ut, ubi sum ego, et vos sitis. Et quo ego vado, scitis, et viam scitis. Dicit ei Thomas : Dómine, nescímus, quo vadis : et quómodo póssumus viam scire? Dicit ei Jesus : Ego sum via et véritas et vita; nemo venit ad Patrem nisi per me. Si cognovissétis me, et Patrem meum útique cognovissétis : et ámodo cognoscátis eum, et vidístis eum. Dicit ei Philíppus : Dómine, osténde nobis Patrem, et sufficit nobis. Dicit ei Jesus : Tanto témpore vobíscum sum, et non cognovístis me? Philíppe, qui videt me, videt et Patrem. Quómodo tu dicis : Osténde nobis Patrem? Non créditis, quia ego in Patre, et Pater in me est? Verba, quæ ego loquor vobis, a meípso non loquor. Pater autem in me manens, ipse facit ópera. Non créditis, quia ego in Patre, et Pater in me est? Alióquin propter ópera ipsa crédite. Amen, amen, dico vobis, qui credit in me, ópera, quæ ego facio, et ipse fáciet, et majóra horum fáciet : quia ego ad Patrem vado. Et quodcúmque petiéritis Patrem in nómine meo, hoc fáciam.

Credo.

Offertorium. Ps. 88, 6. Confitebúntur cæli mirabília tua, Dómine : et veritátem tuam in ecclésia sanctórum, allelúja, allelúja.

Secreta

M

únera, Dómine, quæ pro Apostolórum tuórum Philíppi et Jacóbi sollemnitáte deférimus, propítius súscipe : et mala ómnia, quæ meréraur. avérte. Per Dóminum.

Præfatio de Apostolis.

Communio. Joann. 14, 9 et 10. Tanto témpore vobíscum sum, et non cognovístis me? Philíppe, qui videt me, videt et Patrem meum, allelúja : non credis, quia ego in Patre, et Pater in me est? Allelúja, allelúja.

Postcommunio

Q

uaésumus, Dómine, salutáribus repléti mystériis : ut, quorum sollémnia celebrámus, eórum oratiónibus adjuvémur. Per Dóminum.

¶ Pro votiva extra Tempus Paschale dicitur sequens Missa :

   Introitus
Neh. vel 2 Esdr. 9, 27

C

lamavérunt ad te, Dómine, in témpore afflictiónis suæ, et tu de cælo exaudísti eos. Ps. 32, 1. Exsultáte, justi, in Dómino : rectos decet collaudátio. V/. Glória Patri. Clamavérunt.

Oratio

D

eus, qui nos ánnua Apostolórum tuórum Philíppi et Jacóbi sollemnitáte lætíficas : præsta, quaésumus : ut, quorum gaudémus méritis, instruámur exémplis. Per Dóminum.

Léctio Epístolæ beáti Pauli Apóstoli
ad Ephésios         Ephes. 4, 7-13

F

ratres : Unicuíque nostrum data est grátia secúndum mensúram donatiónis Christi. Propter quod dicit : Ascéndens in altum captívam duxit captivitátem : dedit dona homínibus. Quod autem ascéndit, quid est, nisi quia et descéndit primum in inferióres partes terræ? Qui descéndit, ipse est et qui ascéndit super omnes cælos, ut impléret ómnia. Et ipse dedit quosdam quidem apóstolos, quosdam autem prophétas, álios vero evangelístas, álios autem pastóres et doctóres, ad consummatiónem sanctórum in opus ministérii, in ædificatiónem córporis Christi : donec occurrámus omnes in unitátem fídei et agnitiónis Fílii Dei, in virum perféctum, in mensúram ætátis plenitúdinis Christi.

Graduale. Ps. 44, 17-18. Constítues eos príncipes super omnem terram : mémores erunt nóminis tui, Dómine. V/. Pro pátribus tuis nati sunt tibi fílii, proptérea pópuli confitebúntur tibi.

Allelúja, allelúja. V/. Joann. 14, 9. Tanto témpore vobíscum sum, et non cognovístis me? Philíppe, qui videt me, videt et Patrem meum. Allelúja.

Post Septuagesimam, omissis Allelúja, et Versu sequenti, dicitur :

Tractus. Ps. 125, 5-6. Qui séminant in lácrimis, in gáudio metent. V/. Eúntes ibant et flebant, mitténtes sémina sua. V/. Veniéntes autem vénient cum exsultatióne, portántes manípulos suos.

Sequéntia sancti Evangélii secúndum
Joánnem        Joann. 11, 1-13

I

n illo témpore : Dixit Jesus discípulis suis : Non turbátur cor vestrum. Creditis in Deum, et in me crédite. In domo Patris mei mansiónes multæ sunt. Si quo minus, dixíssem vobis : Quia vado paráre vobis locum. Et si abíero et præparávero vobis locum : íterum vénio et accípiam vos ad meípsum, ut, ubi sum ego, et vos sitis. Et quo ego vado, scitis, et viam scitis. Dicit ei Thomas : Dómine, nescímus, quo vadis : et quómodo póssumus viam scire? Dicit ei Jesus : Ego sum via et véritas et vita; nemo venit ad Patrem nisi per me. Si cognovissétis me, et Patrem meum útique cognovissétis : et ámodo cognoscátis eum, et vidístis eum. Dicit ei Philíppus : Dómine, osténde nobis Patrem, et sufficit nobis. Dicit ei Jesus : Tanto témpore vobíscum sum, et non cognovístis me? Philíppe, qui videt me, videt et Patrem. Quómodo tu dicis : Osténde nobis Patrem? Non créditis, quia ego in Patre, et Pater in me est? Verba, quæ ego loquor vobis, a meípso non loquor. Pater autem in me manens, ipse facit ópera. Non créditis, quia ego in Patre, et Pater in me est? Alióquin propter ópera ipsa crédite. Amen, amen, dico vobis, qui credit in me, ópera, quæ ego facio, et ipse fáciet, et majóra horum fáciet : quia ego ad Patrem vado. Et quodcúmque petiéritis Patrem in nómine meo, hoc fáciam.

Offertorium. Ps. 18, 15. In omnem terram exívit sonus eórum, et in fines orbis terræ verba eórum.

Secreta

M

únera, Dómine, quæ pro Apostolórum tuórum Philippi et Jacóbi sollemnitáte deférimus, propítius súscipe : et mala ómnia, quæ merémur, avérte. Per Dóminum.

Præfatio de Apostolis.

Communio. Joann. 14, 9 et 10. Tanto témpore vobíscum sum, et non cognovístis me? Philíppe, qui videt me, videt et Patrem meum, allelúja : non credis, quia ego in Patre, et Pater in me est?

Postcommunio

Q

uaésumus, Dómine, salutáribus repléti mystériis : ut, quorum sollémnia celebrámus, eórum oratiónibus adjuvémur. Per Dóminum.

_______________

Ss. Philippi et Jacobi App. | S. Athanasii Ep., Conf. et Eccl. Doct. | In Inventione S. Crucis | Pro S. Alexandro I Pp., Eventio et Theodulo Mm. ac Juvenale Ep. et Conf. | S. Monicae Vid. | S. Pii V Pp. et Conf. | S. Joannis Ap. et Ev. ante Portam Latinam | S. Stanislai Ep. et Mart. | Apparitio S. Michaëlis Archangeli | S. Gregorii Nazianzeni Ep., Conf. et Eccl. Doct. | S. Antonini Ep. et Conf. | Pro Ss. Gordiano et Epimacho Mm. | Ss. Nerei, Achillei et Domitillæ Virg. ac Pancratii Mart. | S. Roberti Bellarmino Ep., Conf. et Eccl. Doct. | S. Bonifatii Mart. | S. Joannis Baptistæ de la Salle Conf. | S. Ubaldi Ep. et Conf. | S. Paschalis Baylon Conf. | S. Venantii Mart. | S. Petri Cælestini Pp. et Conf. | Pro S. Pudentiana Virg. | S. Bernardini Senensis Conf. | S. Gregorii Pp. et Conf. | Pro S. Urbano Pp. et Mart. | S. Philippi Nerii Conf. | Pro S. Eleutherio Pp. et Mart. | S. Bedæ Venerabilis Conf. et Eccl. Doct. | Pro S. Joanne I Pp. et Mart. | S. Augustini Ep. et Conf. | S. Mariæ Magdalenæ de Pazzis Virg. | S. Felicis I Pp. et Mart. | S. Angelæ Mericæ Virg. | Pro S. Petronilla Virg.

Ad principium

_______________