Missale Romanum > Proprium de Sanctis > Festa Augusti > Die 22 Augusti. Immaculati Cordis Beatæ Mariæ Virginis Ordo Missæ | Præfationes | Canon Missæ Die 21 Augusti. S. Joannæ Franciscæ Fremiot de Chantal Vid.
Die  22  Augusti Immaculati  Cordis  B. Mariæ  Virg. Duplex  II  classis
	Introitus                                                 Hebr. 4, 16 A Deámus cum fidúcia ad thronum grátiæ, ut misericórdiam consequámur, et grátiam inveniámus auxílio opportúno. Ps. 44, 2. Eructávit cor meum verbum bonum : dico ego ópera mea regi. V). Glória Patri. Adeámus. Oratio O Mnipótens sempitérne Deus, qui in Corde beátæ Maríæ Vírginis dignum Spíritus Sancti habitáculum præparásti : concéde propítius; ut ejúsdem immaculáti Cordis festivitátem devóta mente recoléntes, secúndum cor tuum vívere valeámus. Per Dóminum ... unitáte ejúsdem. Et in Missis privatis tantum, fit Commemoratio Ss. Timothei, Hippolyti et Symphoriani Mm. : Oratio A Uxílium tuum nobis, Dómine, quaésumus, placátus impénde : et, intercedéntibus beátis Martýribus tuis Timótheo, Hippólyto et Symphoriáno, déxteram super nos tuæ propitiatiónis exténde. Per Dóminum. Léctio libri Sapiéntiæ Eccli 24,23-31 E Go quasi vitis fructificávi suavitátem odóris : et flores mei, fructus honóris et honestátis. Ego mater pulchræ dilectiónis, et timóris, et agnitiónis, et sanctæ spei. In me grátia omnis viæ et veritátis : in me omnis spes vitæ, et virtútis. Transíte ad me omnes qui concupíscitis me et a generatiónibus meis implémini. Spíritus enim meus super mel dulcis, et heréditas mea super mel et favum. Memória mea in generatiónes sæculórum. Qui edunt me, adhuc esúrient : et qui bíbunt me, adhuc sítient. Qui audit me, non confundétur : et qui operántur in me, non peccábunt. Qui elúcidant me, vitam ætérnam habébunt. Graduale. Ps. 12, 6. Exultábit cor meum in salutári tuo : cantábo Dómino, qui bona tribuit mihi, et psallam nómini Dómini altíssimi. V). Ps. 44, 18. Mémores erunt nóminis tui in omni generátione et generátionem : proptérea pópuli confitebúntur tibi in ætérnum. Allelúja, allelúja. V). Luc. 1, 46, 47. Magníficat ánima mea Dóminum : et exultávit spíritus meus in Deo salutári meo. Allelúja. ¶ In Missis votivis post Septuagesimam, omissis Allelúja, et Versu sequenti, dicitur Tractus. Prov. 8, 32, 35. Nunc ergo, fílii, audíte me : Beáti qui custódiunt vias meas. Audíte disciplínam et estóte sapiéntes, et nolíte abjícere eam. V). Beátus homo qui audit me, et qui vígilat ad fores meas quotídie, et obsérvat ad postes óstii mei. V). Qui me invénerit, invéniet vitam, et háuriet salútem a Dómino. Tempore autem Paschali omittitur Graduale, et ejus loco dicitur : Allelúja, allelúja. V). Luc. 1, 46-47. Magníficat ánima mea Dóminum : et exsultávit spíritus meus in Deo salutári meo. Allelúja. V). Beátam me dicent omnes generatiónes, quia ancíllam húmilem respéxit Deus. Allelúja. Sequéntia sancti Evangélii secúndum Joánnem           Joann. 19, 25-27 I N illo témpore : Stabant juxta crucem Jesu mater ejus, et soror matris ejus María Cléophæ, et María Magdaléne. Cum vidísset ergo Jesus matrem, et discípulum stantem, quem diligébat, dicit matri suæ : Múlier, ecce filius tuus. Deínde dicit discípulo : Ecce mater tua. Et ex illa hora accépit eam discípulus in sua. Credo. Offertorium. Luc. 1, 46, 49. Exultábit spíritus meus in Deo salutári meo : quia fecit mihi magna qui potens est, et sanctum nomen ejus. Secreta M Ajestáti tuæ, Dómine, Agnum immaculátum offeréntes, quaésumus : ut corda nostra ignis ille divínus accéndat, qui Cor beátæ Maríæ Vírginis ineffabíliter inflammávit. Per eúndem Dominum. Pro Ss. Martyrum                           Secreta A Ccépta tibi sit, Dómine, sacrátæ plebis oblátio, pro tuórum honóre Sanctórum : quorum se méritis de tribulatióne percepísse cognóscit auxílium. Per Dominum. Præfatio de B. Maria Virg. Et te in Festivitáte. [↑] Communio. Jo. 19, 27. Dixit Jesus matri suæ : Múlier, ecce filius tuus : deínde dixit discípulo : Ecce mater tua. Et ex illa hora accépit eam discípulus in sua. Postcommunio D Ivínis refécti munéribus te, Dómine, supplíciter exorámus : ut beátæ Maríæ Vírginis intercessióne, cujus immaculáti Cordis sollémnia venerándo égimus, a præséntibus perículis liberáti, ætérnæ vitæ gáudia consequámur. Per Dóminum. Pro Ss. Martyrum                           Postcommunio D Ivíni múneris largitáte satiáti, quaésumus, Dómine, Deus noster : ut, intercedéntibus sanctis Martýribus tuis Timótheo, Hippólyto et Symphoriáno, in ejus semper participatióne vivámus. Per Dóminum. ¶ De die Octava Assumptionis B. Mariæ Virg. nihil fit in Missa Immaculati Cordis. Sicubi tamen hac die celebretur aliquod Festum duplex I vel II classis, quod non sit B. Mariæ Virg., de ipsa die Octava fit Commemoratio per Orationes diei Festi juxta Rubricas, et dicitur Præfatio de B. Maria Virg. Et te in Assumptióne, nisi ipsa Missa occurrens, aut Commemoratio prius habita, aliam Præfationem exigant.
Eadem die 22 Augusti. Ss. Timotheo, Hippolyto et Symphoriano Mm. Ordo Missæ | Præfationes | Canon Missæ Vangelo latino-italiano pdf
Ad principium Scribe | Ad paginam principalem © 2001 - 2015  Coordinamento di Una Voce delle Venezie. All Rights Reserved.