Missale Romanum > Proprium de Sanctis > Festa Augusti > Die 24 Augusti. S. Bartholomæi Apostoli Ordo Missæ | Præfationes | Canon Missæ Eadem die 23 Augusti. In Vigilia S. Bartholomæi Ap.
Die  24  Augusti SAncti  bartholomæi  apostoli Duplex  II classis
	Introitus                                                Ps. 138, 17 M Ihi autem nimis honoráti sunt amíci tui, Deus : nimis confortátus est principátus eórum. Ps. ibid., 1-2. Dómine, probásti me et cognovísti me : tu cognovisti sessiónem meam et resurrectionem meam. V). Glória Patri. Mihi autem. Oratio O Mnípotens sempitérne Deus, qui hujus diei venerándam sanctámque lætítiam in beáti Apóstoli tui Bartholomaéi festivitáte tribuísti : da Ecclésiæ tuæ, quaésumus; et amáre quod crédidit, et prædicáre quod dócuit. Per Dóminum. Léctio Epístolæ beáti Pauli Apóstoli ad Corínthios      I Cor. 12, 27-31 F Ratres : Vos estis corpus Christi et membra de membro. Et quosdam quidem pósuit Deus in Ecclésia primum apóstolos, secúndo prophétas, tértio doctóres, deínde virtútes, exínde grátias curatiónum, opitulatiónes, gubernatiónes, génera linguárum, interpretatiónes sermónum. Numquid omnes apóstoli? numquid omnes prophétæ? numquid omnes doctóres? numquid omnes virtútes? numquid omnes grátiam habent curatiónum? numquid omnes linguis loquúntur? numquid omnes interpretántur? Æmulámini autem charísmata melióra. Graduale. Ps. 44, 17 et 18. Constítues eos príncipes super omnem terram : mémores erunt nóminis tui, Dómine. V). Pro patribus tuis nati sunt tibi fílii : prop-térea pópuli confitebúntur tibi. Allelúja, allelúja. V). Te gloriósus Apostolórum chorus laudat, Dómine. Allelúja. Sequéntia sancti Evangélii secúndum Lucam Luc. 6, 12-19 I In illo témpore : Exiit Jesus in montem oráre, et erat pernóctans in oratióne Dei. Et cum dies factus esset, vocavit discípulos suos, et elégit duódecim ex ipsis (quos et Apóstolos nominávit) : Simónem, quem cognominávit Petrum, et Andréam fratrem ejus, Jacóbum et Joánnem, Philíppum et Bartholomaéum, Matthaéum et Thomam, Jacóbum Alphaéi et Simónem, qui vocátur Zelótes, et Judam Jacóbi, et Judam Iscariótem, qui fuit próditor. Et descéndens cum illis, stetit in loco campéstri, et turba discipulórum ejus, et multitúdo copiósa plebis ab omni Judaéa, et Jerúsalem, et marítima, et Tyri, et Sidónis, qui vénerant, ut audírent eum et sanaréntur a languóribus suis. Et, qui vexabántur a spirítibus immúndis, curabántur. Et omnis turba quærébat eum tángere : quia virtus de illo exíbat, et sanábat omnes. Credo. Offertorium. Ps. 138, 17. Mihi autem nimis honoráti sunt amíci tui, Deus : nimis confortátus est principátus eórum. Secreta B Eáti Apóstoli tui Bartholomaéi sollémnia recenséntes, quaésumus, Dómine : ut ejus auxílio tua benefícia capiámus, pro quo tibi laudis hóstias immolámus. Per Dóminum. Præfatio de Apostolis. [↑] Communio. Matth. 19, 28. Vos, qui secúti estis me, sedébitis super sedes, judicántes duódecim tribus Israël, dicit Dóminus. Postcommunio S Umptum, Dómine, pignus redemptiónis ætérnæ : sit nobis, quaésumus; interveniénte beáto Bartholomaéo Apóstolo tuo, vitæ præséntis auxílium páriter et futúræ. Per Dóminum. ¶ In Missis votivis post Septuagesimam omnia dicuntur ut supra, sed post Graduale, omissis Allelúja, et Versu sequenti, dicitur Tractus. Ps. 20, 3-4. Desidérium ánimæ eius tribuísti ei : et voluntáte labiórum eius non fraudásti eum. V). Quóniam prævenísti eum in benedictiónibus dulcédinis. V). Posuísti in cápite ejus corónam de lápide pretióso. ¶ Tempore autem Paschali Missa Protexísti, de Communi Martyrum 1° loco infra, [↓] cum Orationibus. Epistola et Evangelio ut supra.
Die 25 Augusti. S. Ludovoci Regis, Conf. Ordo Missæ | Præfationes | Canon Missæ Vangelo latino-italiano pdf
Ad principium Scribe | Ad paginam principalem © 2001 - 2015  Coordinamento di Una Voce delle Venezie. All Rights Reserved.