Missale Romanum > Proprium de Sanctis > Festa Augusti > Die 27 Augusti. S. Josephi Calasanctii Confessoris Ordo Missæ | Præfationes | Canon Missæ Die 26 Augusti. S. Zephyrini Pp. et Mart.
DIE  27  Augusti S. josephi  calasanctii Confessoris Duplex
	Introitus Ps. 33, 12 V Eníte, fílii, audíte me : timorem Dómini docébo vos. Ps. ibid., 2. Benedícam Dóminum in omni témpore : semper laus ejus in ore meo. V). Glória Patri. Veníte. Oratio D Eus, qui per sanctum Joséphum Confessórem tuum, ad erudiéndam spíritu intelligéntiæ ac pietátis juventútem, novum Ecclésiæ tuæ subsídium providére dignátus es : præsta, quaésumus; nos, ejus exémplo et intercessióne, ita fácere et docére, ut praémia consequámur ætérna. Per Dóminum. Léctio libri Sapiéntiæ Sap. 10, 10-14 J Ustum dedúxit Dóminus per vias rectas, et osténdit illi regnum Dei, et dedit illi sciéntiam sanctórum : honestávit illum in labóribus, et complévit labóres illíus. In fraude circumveniéntium illum áffuit illi, et honéstum fecit illum. Custodívit illum ab inimícis, et a seductóribus tutávit illum, et certámen forte dedit illi, ut vínceret et sciret, quóniam ómnium poténtior est sapiéntia. Hæc vénditum justum non derelíquit, sed a peccatóribus liberávit eum : descendítque cum illo in fóveam, et in vínculis non derelíquit illum, donec afférret illi sceptrum regni, et poténtiam advérsus eos, qui eum deprimébant : et mendáces osténdit, qui maculavérunt illum, et dedit illi claritátem ætérnam, Dóminus, Deus noster. Graduale. Ps. 36, 30-31. Os justi meditábitur sapiéntiam, et lingua ejus loquétur judícium. V). Lex Dei ejus in corde ipsíus : et non supplantabúntur gressus ejus. Allelúja, allelúja. V). Jac. 1, 12. Beátus vir, qui suffert tentatiónem : quóniam, cum probátus fúerit, accípiet corónam vitæ. Allelúja. Sequéntia sancti Evangélii secúndum Matthaéum Matth. 18, 1-5 I N illo témpore : Accessérunt discípuli ad Jesum, dicéntes : Quis, putas, major est in regno cælorum? Et ádvocans Jesus parvulum, státuit eum in médio eórum et dixit : Amen, dico vobis, nisi convérsi fuéritis et efficiámini sicut párvuli, non intrabitis in regnum cælórum. Quicúmque ergo humiliáverit se sicut párvulus iste, hic est major in regno cælorum. Et qui suscéperit unum párvulum talem in nómine meo, me súscipit. Offertorium. Ps. 9, 17. Desidérium páuperum exaudívit Dóminus : præparatiónem cordis eórum audívit auris tua. Secreta A Altáre tuum, Dómine, munéribus cumulámus oblátis : ut ejus nobis fiant supplicatióne propítia, cujus nos donásti patrocínio adjuvári. Per Dóminum. Communio. Marc. 10, 14. Sínite párvulos veníre ad me, et ne prohibuéritis eos : tálium est enim regnum Dei. Postcommunio S Anctificáti, Dómine, salutári mystério : quaésumus; ut, intercedénte sancto Josépho Confessóre tuo, ad majus semper proficiámus pietátis increméntum. Per Dóminum.
Die 28 Augusti. S. Augustini Ep., Conf. et Eccl. Doct. Ordo Missæ | Præfationes | Canon Missæ Vangelo latino-italiano pdf
Ad principium Scribe | Ad paginam principalem © 2001 - 2015  Coordinamento di Una Voce delle Venezie. All Rights Reserved.