Missale Romanum > Proprium de Sanctis > Festa Septembris > Die 3 Septembris. S. Pii X Papæ et Confessoris Ordo Missæ | Præfationes | Canon Missæ Die 2 Septembris. S. Stephani Regis, Conf.
DIE  3 septembris S.  pii  x papæ  et  Confessoris Duplex
	Introitus                                             Ps. 88, 20-22 E xtuli eléctum de pópulo, óleo sancto meo unxi eum : et manus mea sit semper cum eo, et brá-chium meum confírmet eum. Ps. ibid., 2. Grátias Dómini in ætérnum cantábo, per omnes generátiones annuntiábo fidelitátem tuam ore meo. V). Glória Patri. Extuli. Oratio D Eus, qui ad tuéndam cathólicam fidem, et univérsa in Christo instauránda sanctum Pium, Summum Pontíficem, cælésti sapiéntia et apostólica fortitúdine replevísti : concéde propítius; ut, ejus ins-titúta et exémpla sectántes, praémia consequámur ætérna. Per eúndem Dóminum. Léctio Epístolæ beáti Pauli Apóstoli ad Thessalonicénses        I Thess. 2, 2-8 F Ratres : Fidúciam habúimus in Deo nostro loqui ad vos evangélium Dei in multa sollicitúdine. Ex-hortátio enim nostra non de erróre neque de immundí-tia neque in dolo; sed, sicut probáti sumus a Deo ut crederétur nobis Evangélium, ita lóquimur; non quasi homínibus placéntes, sed Deo qui probat corda nostra. Neque enim aliquándo fúimus in sermóne adulatiónis, sicut scitis, neque in occasióne avarítiæ, Deus testis est, nec quæréntes ab homínibus glóriam neque a vobis neque ab áliis. Cum possémus vobis óneri esse ut Christi apóstoli, sed facti sumus párvuli in médio vestrum, tamquam si nutrix fóveat fílios suos. Ita desiderántes vos, cúpide volebámus trádere vobis non solum Evangélium Dei, sed étiam ánimas nostras, quóniam caríssimi nobis facti estis. Graduale. Ps. 39, 10-11. Annuntiávi justítiam in cœtu magno; ecce lábia mea non cohíbui : Dómine, tu nosti. V). Justítiam tuam non abscóndi in corde meo; Allelúja, allelúja. V). Ps. 22, 5-6. Para mihi mensam, inúngis óleo caput meum, calix meus ubérrimus est. Allelúja. ¶ In Missis votivis post Septuagesimam, omissis Allelúja, et Versu se-quenti, dicitur Tractus. Ps. 131, 16-18. Sacerdótes ejus índuam salú-te, et sancti ejus exsultántes exsultábunt. V). Illic David suscitábo cornu, parábo lucérnam uncto meo. V). Inimícos ejus índuam confusióne, super ipsum autem fulgébit diadéma meum. Tempore autem Paschali omittitur Graduale, et ejus loco dicitur : Allelúja, allelúja. V). Ps. 22, 5-6. Para mihi mensam, inúngis óleo caput meum, calix meus ubérrimus est. Allelúja. V). Ps. 25, 8. Dómine, díligo habitáculum domus tuæ, et locum tabernáculi glóriæ tuæ. Allelúja. Sequéntia sancti Evangélii secúndum Joánnem           Joann. 21, 15-17 I N illo témpore : Dixit Jesus Simóni Petri : Simon Joánnis, díligis me plus his? Dicit ei : Etiam, Dómine, tu scis quia amo te. Dicit ei : Pasce agnos meos. Dicit ei íterum : Simon Joánnis, díligis me? Ait illi : Etiam, Dómine, tu scis quia amo te. Dicit ei : Pasce agnos meos. Dicit ei tértio : Simon Joánnis, amas me? Contristátus est Petrus, quia dixit ei tértio : Amas me? et dixit ei : Dómine, tu ómnia nosti; tu scis quia amo te. Dixit ei : pasce oves meas. Offertorium. Ps. 33, 12. Veníte, fílii, audíte me; timó-rem Dómini docébo vos. Secreta O Blatiónibus nostris, quaésumus, Dómine, benígne suscéptis, da nobis, ut hæc divína mystéria, sancto Pio Summo Pontífici intercedénte, sincéris tractémus obséquiis et fidéli mente sumámus. Per Dóminum. Præfatio de Apostolis. [↑] Communio. Joann. 6, 56-57. Caro mea vere est cibus, et sánguis meus vere est potus. Qui mánducat meam carnem et bibit meum sánguinem, in me manet et ego in illo. Postcommunio M Ensæ cæléstis virtúte refécti, quaésumus, Dómine, Deus noster : ut, interveniénte sancto Pio Summo Pontífice, forte efficiámur in fide, et in tua simus caritáte concórdes. Per Dóminum.
Die 5 Septembris. S. Laurentii Justiniani Ep. et Conf. Ordo Missæ | Præfationes | Canon Missæ Vangelo latino-italiano pdf
Ad principium Scribe | Ad paginam principalem © 2001 - 2015  Coordinamento di Una Voce delle Venezie. All Rights Reserved.