MISSALE ROMANUM - Die 9 Octobris. S. Joannis Leonardi

DIE 9 OCTOBRIS

S.   joannis   leonardi

confessoris

Duplex

   Introitus
Eccli. 42, 15-16

I

n sermónibus Dómini ópera ejus : sol illúminans per ómnia respéxit, et glória plenum est opus ejus. Ps. 95, 1. Cantáte Dómino cánticum novum : cantáte Dómino, omnis terra. V/. Glória Patri. In sermónibus.

Oratio

D

eus, qui beátum Joánnem Confessórem tuum, ad fidem in géntibus propagándam mirabíliter excitáre dignátus es, ac per eum in erudiéndis fidélibus novam in Ecclésia tua famíliam congregásti : da nobis fámulis tuis; ita ejus institútis profícere, ut praémia consequámur ætérna. Per Dóminum.

Et fit Commemoratio Ss. Dionysii, Ep., Rustici et Eleutherii Mm. :

Oratio

D

eus, qui hodiérna die beátum Dionýsium Mártyrem tuum atque Pontíficem, virtúte constántiæ in passióne roborásti, quique illi, ad prædicándum géntibus glóriam tuam, Rústicum et Eleuthérium sociáre dignátus es : tríbue nobis, quaésumus; eórum imitatióne, pro amóre tuo próspera mundi despícere, et nulla ejus advérsa formidáre. Per Dóminum.

Léctio Epístolæ beáti Pauli Apóstoli
ad Corínthios II Cor. 4, 1-6 et 15-18

F

atres : Habéntes administratiónem juxta quod misericórdiam consecúti sumus, non defícimus, sed abdicámus occúlta dedécoris, non ambulántes in astútia, neque adulterántes verbum Dei, sed in manifestatióne veritátis comméndantes nosmetípsos ad omnem consciéntiam hóminum coram Deo. Quod si étiam opértum est Evangélium nostrum : in iis, qui péreunt, est opértum : in quibus Deus hujus saéculi excæcávit mentes infidélium, ut non fúlgeat illis illuminátio Evangélii glória Christi, qui est imágo Dei. Non enim nosmetípsos pradicámus, sed Jesum Christum Dóminum nostrum : nos autem servos vestros per Jesum : quóniam Deus, qui dixit de ténebris lucem splendéscere, ipse illúxit in córdibus nostris ad illuminatiónem sciéntia claritátis Dei, in fácie Christi Jesu. Omnia enim propter vos : ut grátia abúndans, per multos in gratiárum actióne, abúndet in glóriam Dei. Propter quod non defícimus : sed licet is, qui foris est, noster homo corrumpátur : tamen is, qui intus est, renovátur de die in diem. Id enim, quod in præsénti est momentáneum et leve tribulatiónis nostra, supra modum in sublimitáte ætérnum glória pondus operátur in nobis, non contemplántibus nobis qua vidéntur, sed qua non vidéntur. Qua enim vidéntur, temporália sunt : qua autem non vidéntur, ætérna sunt.

Graduale. Ps. 72, 21; 68, 10. Inflammátum est cor meum, et renes mei commutáti sunt : zelus domus tuæ comédit me. V/. Is. 49, 2. Pósuit os meum quasi gládium acutum : in umbra manus suæ protéxit me, et pósuit me sicut sagíttam eléctam.

Allelúja, allelúja. V/. Ps. 70, 7. Tamquam prodígium factus sum multis : et tu adjútor fortis. Allelúja.

Post Septuagesimam, omissis Allelúja, et Versu sequenti, dicitur

Tractus. Ps. 54, 3-4 et 17. Contristátus sum in exercitatióne mea : et conturbátus sum a voce inimíci, et a tribulatióne peccatóris. V/. Quóniam declinavérunt in me iniquitátes : et in ira molésti erant mihi. V/. Ego autem ad Deum clamávi : et Dóminus salvábit me.

Tempore autem Paschali omittitur Graduale, et ejus loco dicitur :

Allelúja, allelúja. V/. Ps. 51, 10. Sicut olíva fructífera in domo Dei, speravi in misericórdia Dei in ætérnum : et in sǽculum sǽculi. Allelúja. V/. Ps. 61, 8. In Deo salutáre meum, et glória mea : Deus auxílii mei, et spes mea in Deo est. Allelúja.

Sequéntia sancti Evangélii secúndum
Lucam               Luc. 10, 1-9

I

n illo témpore : Designávit Dóminus et alios septuagínta duos : et misit illos binos ante fáciem suam in omnem civitátem et locum, quo erat ipse ventúrus. Et dicebat illis : Messis quidem multa, operárii autem pauci. Rogáte ergo dóminum messis ut mittat operários in messem suam. Ite : ecce ego mitto vos sicut agnos inter lupos. Nolíte portáre sǽculum, neque peram, neque calceaménta : et néminem per viam salutavéritis. In quamcúmque domum intravéritis, primum dícite : Pax huic dómui : et si ibi fúerit fílius pacis, requiéscet super illum pax vestra : sin autem, ad vos revertetur. In eádem autem domo manéte edéntes, et bibéntes quæ apud illos sunt : dignus est enim operárius mercéde sua. Nolíte transíre de domo in domum. Et in quamcúmque civitátem intravéritis, et suscéperint vos, manducáte, quæ apponúntur vobis : et curáte infírmos, qui in illa sunt, et dícite illis : Appropinquávit in vos regnum Dei.

Offertorium. Col. 1, 25. Christi factus sum ego miníster secúndum dispensatiónem Dei, quæ data est mihi, ut ímpleam verbum Dómini.

Secreta

S

úscipe, Dómine, oblatiónem mundam salutáris hóstiæ : et præsta; ut, intercedénte beáto Joánne Confessóre tuo, úbique géntium júgiter offerátur. Per Dóminum.

Pro Ss. Martyribus                          Secreta

O

bláta tibi, Dómine, múnera pópuli tui, pro tuórum honóre Sanctórum, súscipe propítius, quaésumus : et eórum nos intercessióne sanctífica. Per Dóminum.

Communio. Philipp. 3, 7. Quæ mihi fúerunt lucra, hæc arbitrátus sum propter Christum detriménta.

Postcommunio

P

retiósi córporis, et sánguinis tui sacris refécti mystériis, Dómine, adprecámur : ut beáti Joánnis Confessóris tui exémplo, studeámus confitéri quod crédidit, et ópere exercére quod dócuit : Qui vivis.

Pro Ss. Martyribus                  Postcommunio

S

umptis, Dómine, sacraméntis, quaésumus : ut, intercedéntibus beátis Martýribus tuis Dionýsio, Rústico et Eleuthério, ad redemptiónis ætérnæ proficiámus augméntum. Per Dóminum.

________________

S. Remigii Ep. et Conf. | Ss. Angelorum Custodum | S. Teresiæ a Jesu Infante Virg. | S. Francisci Conf. | Ss. Placidi et Soc. Mm. | S. Brunonis Conf. | Sacratissimi Rosarii B. Mariæ Virg. | Pro S. Marco Pp. Conf. | Pro Ss. Sergio, Baccho, Marcello et Apulejo Mm. | S. Birgittæ Vid. | S. Joannis Leonardi Conf. | Pro Ss. Dionysio Ep., Rustico et Eleutherio Mm. | S. Francisci Borgiæ Conf. | Maternitatis B. Mariæ Virg. | S. Eduardi Regis, Conf. | S. Callisti I Pp. M. | S. Teresiæ Virg. | S. Hedwigis Vid. | S. Margaritæ Mariæ Alacoque Virg. | S. Lucæ Ev. | S. Petri de Alcantara Conf. | S. Joannis Cantii Conf. | S. Hilarionis Abb. | Pro Ss. Ursula et Soc. Vv. Mm. | S. Raphaëlis Archangeli | D. N. JESU CHRISTI REGIS | Ss. Chrysanthi et Dariæ Mm. | S. Evaristi Pp. M. | Vigilia Ss. Simonis et Judæ App. | Ss. Simonis et Judæ App. | Die 30 Octobris | Vigilia Omnium Sanctorum

Ad principium

_______________