Missae more antiquo in
Venetia litandae
Venetiis | Bauzani | Belluni |
Bergomi |
Goritiae | Mantuae | Patavii | Portunaonis | Tarvisii | Tergesti | Utini | Veronae | Vicentiae | Victoriae Venetorum
Missæ de sancta Maria in Sabbato
quæ dici etiam possunt aliis diebus ut votivæ de Beata Maria Virgine,
juxta Rubricas vel, ex Indulto, pro Temporum diversitate
In Sabbato non impedito vel, in Missis votivis, a Feria Secunda post Dominicam Primam Adventus usque ad diem 23 Decembris inclusive, juxta Rubricas; et, ex índulto, toto Tempore Adventus.
R
oráte cæli, désuper, et nubes pluant justum : aperiátur terra, et gérminet Salvatórem. Ps. 84, 2. Benedixísti, Dómine, terram tuam : avertísti captivitátem Jacob. V/. Glória Patri. Roráte.
Et in Sabbato dicitur Glória in excélsis.
Oratio
D
eus, qui de beátæ Maríæ Vírginis útero Verbum tuum, Angelo nuntiánte, carnem suscípere voluísti : præsta supplícibus tuis; ut, qui vere eam Genetrícem Dei crédimus, ejus apud te intercessiónibus adjuvémur. Per eúndem Dóminum.
2ª Oratio de Feria Adventus supra
3ª de Spiritu Sancto, ut supra.
Léctio Isaíæ Prophétæ
Is. 7, 10-15
I
n diébus illis : Locútus est Dóminus ad Achaz, dicens : Pete tibi signum a Dómino Deo tuo in profúndum inférni, sive in excélsum supra. Et dixit Achaz : Non petam, et non tentábo Dóminum. Et dixit : Audíte ergo, domus David : Numquid parum vobis est, moléstos esse homínibus, quia molésti estis et Deo meo? Propter hoc dabit Dóminus ipse vobis signum. Ecce virgo concípiet et páriet fílium, et vocábitur nomen ejus Emmánuel. Butýrum et mel cómedet, ut sciat reprobáre malum et elígere bonum.
Graduale. Ps. 23, 7. Tóllite portas, príncipes, vestras : et elevámini, portæ æternáles : et introíbit Rex glóriæ. V/. Ibid., 3-4. Quis ascéndet in montem Dómini? aut quis stabit in loco sancto ejus? Innocens mánibus et mundo corde.
Allelúja, allelúja. V/. Luc. 1, 28. Ave, María, grátia plena; Dóminus tecum : benedícta tu in muliéribus. Allelúja.
Sequéntia sancti Evangélii secúndum
Lucam Luc. 1, 26-38
I
n illo témpore : Missus est Angelus Gábriel a Deo in civitátem Galilaéæ, cui nomen Názareth, ad Vírginem desponsátam viro, cui nomen erat Joseph, de domo David, et nomen Vírginis María. Et ingréssus Angelus ad eam, dixit : Ave, grátia plena : Dóminus tecum : benedícta tu in muliéribus. Quæ cum audísset, turbáta est in sermóne ejus : et cogitábat qualis esset ista salutátio. Et ait Angelus ei : Ne tímeas, María, invenísti enim grátiam apud Deum : ecce concípies in útero, et páries fílium, et vocábis nomen ejus Jesum. Hic erit magnus, et Fílius Altíssimi vocábitur, et dabit illi Dóminus Deus sedem David patris ejus : et regnábit in domo Jacob in ætérnum, et regni ejus non erit finis. Dixit autem María ad Angelum : Quómodo fiet istud, quóniam virum non cognósco? Et respóndens Angelus, dixit ei : Spíritus Sanctus supervéniet in te, et virtus Altíssimi obumbrábit tibi. Ideóque et quod nascétur ex te Sanctum, vocábitur Fílius Dei. Et ecce Elísabeth cognáta tua, et ipsa concépit fílium in senectúte sua : et hic mensis sextus est illi, quæ vocátur stérilis : quia non erit impossíbile apud Deum omne verbum. Dixit autem María : Ecce ancílla Dómini, fiat mihi secúndum verbum tuum.
Offertorium. Luc. 1, 28 et 42. Ave, María, grátia plena; Dóminus tecum : benedícta tu in muliéribus, et benedíctus fructus ventris tui.
Secreta
I
n méntibus nostris, quaésumus, Dómine, veræ fídei sacraménta confírma : ut, qui concéptum de Vírgine Deum verum et hóminem confitémur; per ejus salutíferæ resurrectiónis poténtiam, ad ætérnam mereámur perveníre lætítiam. Per eúndem Dóminum.
2ª Secreta de Feria supra
3ª de Spiritu Sancto, ut supra.
Præfatio de B. Maria Vírg. Et te in Veneratióne.
Communio. Is. 7, 14. Ecce Virgo concípiet et páriet fílium : et vocábitur nomen ejus Emmánuel.
Postcommunio
G
rátiam tuam, quaésumus, Dómine, méntibus nostris infúnde : ut qui, Angelo nuntiánte, Christi Fílii tui incarnatiónem cognóvimus; per passiónem ejus et crucem, ad resurrectiónis glóriam perducámur. Per eúndem Dóminum.
2ª Postcommunio de Feria supra
3ª de Spiritu Sancto, ut supra.
A Sabbato post Octavam Epiphaniæ usque ad Sabbatum ante Purificatiónem B. Mariæ Virg. vel, in Missis votivis, a die 26 Decembris usque ad diem 1 Februarii inclusive, juxta Rubricas; et, ex Indulto, a Nativitáte Domini usque ad Purificatiónem B. Maríæ Virg. pariter inclusive.
V
ultum tuum deprecabúntur omnes dívites plebis Regi Vírgines post eam : próximæ ejus adducéntur tibi in lætítia et exsultatióne. Ps. ibid., 2. Eructávit cor meum verbum bonum : dico ego ópera mea Regi. V/. Glória Patri. Vultum tuum.
Et in Sabbato dicitur Glória in excélsis.
Oratio
D
eus, qui salútis ætérnæ, beátæ Maríæ virginitáte fœcúnda, humáno generi praémia præstitísti : tríbue, quaésumus ut ipsam pro nobis intercédere sentiámus, per quam merúimus auctórem vitæ suscípere, Dóminum nostrum Jesum Christum, Fílium tuum : Qui tecum.
Et dicitur, juxta Rubricas, 2ª Oratio de Spiritu Sancto,
3ª contra persecutores Ecclesiæ vel pro Papa, ut supra.
Léctio Epístolæ beáti Pauli Apóstoli
ad Titum Tit. 3, 4-7
C
aríssime : Appáruit benígnitas nostri Dei : non ex opéribus justítiæ, quæ fécimus nos, sed secúndum suam misericórdiam salvos nos fecit, per lavácrum regeneratiónis et renovatiónis Spíritus Sancti, quem effúdit in nos abúnde per Jesum Christum, Salvatórem nostrum : ut, justificáti grátia ipsíus, herédes simus secúndum spem vitæ ætérnæ : in Christo Jesu, Dómino nostro.
Graduale. Ps. 44, 3 et 2. Speciósus forma præ fíliis hóminum : diffúsa est grátia in lábiis tuis. V/. Ibid., 2. Eructávit cor meum verbum bonum : dico ego ópera mea Regi : lingua mea cálamus scribæ velóciter scribéntis.
Allelúja, allelúja. V/. Post partum, Virgo, invioláta permansísti : Dei Génitrix, intercéde pro nobis. Allelúja.
Post Septuagesimam, omissis Allelúja, et Versu sequenti, dicitur
Tractus. Gaude, María Virgo, cunctas haéreses sola interemísti. V/. Quæ Gabriélis Archángeli dictis credidísti. V/. Dum Virgo Deum et hóminem genuísti : et post partum, Virgo, invioláta permansísti. V/. Dei Génetrix, intercéde pro nobis.
Sequéntia sancti Evangélii secúndum
Lucam Luc. 2, 15-20
I
n illo témpore : Pastóres loquebántur ad ínvicem : Transeámus usque Béthlehem, et videámus hoc verbum, quod factum est, quod Dóminus osténdit nobis. Et venérunt festinántes : et invenérunt Maríam, et Joseph, et infántem pósitum in præsépio. Vidéntes autem cognovérunt de verbo, quod dictum erat illis de púero hoc. Et omnes, qui audiérunt, miráti sunt : et de his, quæ dicta erant a pastóribus ad ipsos. María autem conservábat ómnia verba hæc, cónferens in corde suo. Et revérsi sunt pastóres glorificántes et laudántes Deum in ómnibus, quæ audíerant et víderant, sicut dictum est ad illos.
Offertorium. Felix namque es, sacra Virgo María, et omni laude digníssima : quia ex te ortus est sol justítiæ, Christus Deus noster.
Secreta
T
ua, Dómine, propitiatióne, et beátæ Maríæ semper Vírginis intercessióne, ad perpétuam atque præséntem hæc oblátio nobis profíciat prosperitátem et pacem. Per Dóminum.
2ª Secreta de Spiritu Sancto,
3ª contra persecutores Ecclesiæ vel pro Papa, ut supra.
Præfatio de B. Maria Vírg. Et te in Veneratióne.
Communio. Beáta víscera Maríæ Vírginis, quæ portavérunt ætérni Patris Fílium.
Postcommunio
H
æc nos commúnio, Dómine, purget a crímine : et, intercedénte beáta Vírgine Dei Genetríce María, cæléstis remédii fáciat esse consórtes. Per eúndem Dóminum.
2ª Postcommunio de Spiritu Sancto,
3ª contra persecutores Ecclesiæ vel pro Papa, ut supra.
A Sabbato post Purificatiónem B. Maríæ Virg. usque ad Sábbatum post Dominicam Sexagesimæ vel, in Missis votivis, post Purificatiónem B. Maríæ Virg. usque ad Sabbatum post Dominicam Passionis inclusive, juxta Rubricas; et, ex Indulto, usque ad Feriam Quartam Majoris Hebdomadæ pariter inclusive.
S
alve, sancta Parens, eníxa puérpera Regem : qui cælum terrámque regit in saécula sæculórum. Ps. 44, 2. Eructávit cor meum verbum bonum : dico ego ópera mea regi. V/. Glória Patri. Salve.
Et in Sabbato dicitur Glória in excélsis.
Oratio
C
oncéde nos fámulos tuos, quaésumus, Dómine Deus, perpétua mentis et córporis sanitáte gaudére : et, gloriósa beátæ Maríæ semper Vírginis intercessióne, a præsénti liberári tristítia, et ætérna pérfrui lætítia. Per Dóminum.
2ª Oratio de Spiritu Sancto,
3ª contra persecutores Ecclesiæ vel pro Papa, ut supra.
Léctio libri Sapiéntiæ
Eccli. 24, 14-16
A
b inítio et ante saécula creáta sum, et usque ad futúrum saéculum non désinam, et in habitatióne sancta coram ipso ministrávi. Et sic in Sion firmáta sum, et in civitáte sanctificáta simíliter requiévi, et in Jerúsalem potéstas mea. Et radicávi in pópulo honorificáto, et in parte Dei mei heréditas illíus, et in plenitúdine sanctórum deténtio mea.
Graduale. Benedícta et venerábilis es, Virgo María; quæ sine tactu pudóris invénta es Mater Salvatóris. V/. Virgo Dei Génitrix, quem totus non capit orbis, in tua se clausit víscera factus homo.
Allelúja, allelúja. V/. Virga Jesse flóruit : Virgo Deum et hóminem génuit : pacem Deus réddidit, in se reconcílians ima summis. Allelúja.
Post Septuagesimam, omissis Allelúja, et Versu sequenti, dicitur
Tractus. V/. Gaude, María Virgo, cunctas haéreses sola interemísti. V/. Quæ Gabriélis Archángeli dictis credidísti. V/. Dum Virgo Deum et hóminem genuísti : et post partum, Virgo, invioláta permansísti. V/. Dei Génitrix, intercéde pro nobis.
Sequéntia sancti Evangélii secúndum
Lucam Luc. 11, 27-28
I
n illo témpore : Loquénte Jesu ad turbas, extóllens vocem quædam múlier de turba, dixit illi : Beátus venter, qui te portávit, et úbera, quæ suxísti. At ille dixit : Quinímmo beáti, qui áudiunt verbum Dei, et custódiunt illud.
Offertorium. Felix namque es sacra Virgo María, et omni laude digníssima : quia ex te ortus est sol justítiæ, Christus, Deus noster.
Secreta
T
ua, Dómine, propitiatióne, et beátæ Maríæ semper Vírginis intercessióne, ad perpétuam atque præséntem hæc oblátio nobis profíciat prosperitátem et pacem. Per Dóminum.
2ª Secreta de Spiritu Sancto,
3ª contra persecutores Ecclesiæ vel pro Papa, ut supra.
Præfatio de B. Maria Vírg. Et te in Veneratióne.
Communio. Beáta víscera Maríæ Vírginis, quæ portavérunt ætérni Patris Fílium.
Postcommunio
S
umptis, Dómine, salútis nostræ subsídiis : da, quaésumus, beátæ Maríæ semper Vírginis patrocíniis nos ubíque prótegi; in cujus veneratióne hæc tuæ obtúlimus majestáti. Per Dóminum.
2ª Postcommunio de Spiritu Sancto,
3ª contra persecutores Ecclesiæ vel pro Papa, ut supra.
A Sabbato post Dominicam in Albis usque ad Sabbatum post Dominicam Quartam post Pascha vel, in Missis votivis, a Feria Quarta post Pascha usque ad Sábbatum infra Octavam Pentecostes inclusive, juxta Rubricas; et, ex Indulto, toto Tempore Paschali.
S
alve, sancta Parens, eníxa puérpera Regem : qui cælum terrámque regit in saécula sæculórum, allelúja, allelúja. Ps. 44, 2. Eructávit cor meum verbum bonum : dico ego ópera mea regi. V/. Glória Patri. Salve.
Et in Sabbato dicitur Glória in excélsis.
Oratio
C
oncéde nos fámulos tuos, quaésumus, Dómine Deus, perpétua mentis et córporis sanitáte gaudére : et, gloriósa beátæ Maríæ semper Vírginis intercessióne, a præsénti liberári tristítia, et ætérna pérfrui lætítia. Per Dóminum.
2ª Oratio de Spiritu Sancto,
3ª contra persecutores Ecclesiæ vel pro Papa, ut supra.
Léctio libri Sapiéntiæ
Eccli. 24, 14-16
A
b inítio et ante saécula creáta sum, et usque ad futúrum saéculum non désinam, et in habitatióne sancta coram ipso ministrávi. Et sic in Sion firmáta sum, et in civitáte sanctificáta simíliter requiévi, et in Jerúsalem potéstas mea. Et radicávi in pópulo honorificáto, et in parte Dei mei heréditas illíus, et in plenitúdine sanctórum deténtio mea.
Allelúja, allelúja. V/. Num. 17, 8. Virga Jesse flóruit : Virgo Deum et hóminem génuit : pacem Deus réddidit, in se reconcílians ima summis. Allelúja.
Allelúja, allelúja. V/. Luc. 1, 28. Ave, María, grátia plena; Dóminus tecum : benedícta tu in muliéribus. Allelúja.
Sequéntia sancti Evangélii secúndum
Joánnem Joann. 19, 25-27
I
n illo témpore : Stabant juxta Crucem Jesu Mater ejus, et soror Matris ejus, María Cléophæ, et María Magdaléne. Cum vidísset ergo Jesus Matrem, et discípulum stantem, quem diligébat, dicit Matri suæ : Múlier, ecce fílius tuus. Deinde dicit discípulo : Ecce Mater tua. Et ex illa hora accépit eam discípulus in sua.
Offertorium. Beáta es, Virgo María, quæ ómnium portásti Creatórem : genuísti qui te fecit, et in ætérnum pérmanes virgo, allelúja.
Secreta
T
ua, Dómine, propitiatióne, et beátæ Maríæ semper Vírginis intercessióne, ad perpétuam atque præséntem hæc oblátio nobis profíciat prosperitátem et pacem. Per Dóminum.
2ª Secreta de Spiritu Sancto,
3ª contra persecutores Ecclesiæ vel pro Papa, ut supra.
Præfatio de B. Maria Vírg. Et te in Veneratióne.
Communio. Beáta víscera Maríæ Vírginis, quæ portavérunt ætérni Patris Fílium, allelúja.
Postcommunio
S
umptis, Dómine, salútis nostræ subsídiis : da, quaésumus, beátæ Maríæ semper Vírginis patrocíniis nos ubíque prótegi; in cujus veneratióne hæc tuæ obtúlimus majestáti. Per Dóminum.
2ª Postcommunio de Spiritu Sancto,
3ª contra persecutores Ecclesiæ vel pro Papa, ut supra.
A Sabbato post Octavam sacratissimi Cordis Jesu usque ad Sabbatum ante Dominicam Primam Adventus vel, in Missis votivis, a Feria Secunda post Festum Sanctissimæ Trinitatis, et, ex Indulto, a Festo ejusdem Sanctissimæ Trinitatis usque ad Sabbatum ante Dominicam Primam Adventus.
S
alve, sancta Parens, eníxa puérpera Regem : qui cælum terrámque regit in saécula sæculórum. Ps. 44, 2. Eructávit cor meum verbum bonum : dico ego ópera mea regi. V/. Glória Patri. Salve.
Et in Sabbato dicitur Glória in excélsis.
Oratio
C
oncéde nos fámulos tuos, quaésumus, Dómine Deus, perpétua mentis et córporis sanitáte gaudére : et, gloriósa beátæ Maríæ semper Vírginis intercessióne, a præsénti liberári tristítia, et ætérna pérfrui lætítia. Per Dóminum.
2ª Oratio de Spiritu Sancto,
3ª contra persecutores Ecclesiæ vel pro Papa, ut supra.
Léctio libri Sapiéntiæ
Eccli. 24, 14-16
A
b inítio et ante saécula creáta sum, et usque ad futúrum saéculum non désinam, et in habitatióne sancta coram ipso ministrávi. Et sic in Sion firmáta sum, et in civitáte sanctificáta simíliter requiévi, et in Jerúsalem potéstas mea. Et radicávi in pópulo honorificáto, et in parte Dei mei heréditas illíus, et in plenitúdine sanctórum deténtio mea.
Graduale. Benedícta et venerábilis es, Virgo María; quæ sine tactu pudóris invénta es Mater Salvatóris. V/. Virgo Dei Génitrix, quem totus non capit orbis, in tua se clausit víscera factus homo.
Allelúja, allelúja. V/. Post partum, Virgo, invioláta permansísti : Dei Génitrix, intercéde pro nobis. Allelúja.
Sequéntia sancti Evangélii secúndum
Lucam Luc. 11, 27-28
I
n illo témpore : Loquénte Jesu ad turbas, extóllens vocem quædam múlier de turba, dixit illi : Beátus venter, qui te portávit, et úbera, quæ suxísti. At ille dixit : Quinímmo beáti, qui áudiunt verbum Dei, et custódiunt illud.
Offertorium. Luc. 1, 28 et 42. Ave, María, grátia plena; Dóminus tecum : benedícta tu in muliéribus, et benedíctus fructus ventris tui.
Secreta
T
ua, Dómine, propitiatióne, et beátæ Maríæ semper Vírginis intercessióne, ad perpétuam atque præséntem hæc oblátio nobis profíciat prosperitátem et pacem. Per Dóminum.
2ª Secreta de Spiritu Sancto,
3ª contra persecutores Ecclesiæ vel pro Papa, ut supra.
Præfatio de B. Maria Vírg. Et te in Veneratióne.
Communio. Beáta víscera Maríæ Vírginis, quæ portavérunt ætérni Patris Fílium.
Postcommunio
S
umptis, Dómine, salútis nostræ subsídiis : da, quaésumus, beátæ Maríæ semper Vírginis patrocíniis nos ubíque prótegi; in cujus veneratióne hæc tuæ obtúlimus majestáti. Per Dóminum.
2ª Postcommunio de Spiritu Sancto,
3ª contra persecutores Ecclesiæ vel pro Papa, ut supra.
¶ Si tamen Missa de sancta Maria in Sabbato dici debeat infra Octavas simplices ejusdem beatæ Mariæ Virginis, dicitur ut in festo respectivo cum 2ª tamen et 3ª Oratione ut supra pro diversitate Temporum notantur, et sine Credo, juxta Rubricas.
_______________
In Vigilia Apostolorum | Commune unius aut plurium Summorum Pontificum | Commune unius Martyris extra Tempus Paschale | Commune plurimorum Martyrum extra Tempus Paschale | Commune Martyrum Tempore Paschali | Commune Confessoris Pontificis | Commune Doctorum | Commune Confessoris non Pontificis | Commune Abbatum | Commune Virginum | Commune non Virginum | Commune Dedicationis Ecclesiæ | Commune Festorum B. Mariæ Virginis | Missæ de sancta Maria in Sabbato
_______________
© 2001-2008 Coordinamento di
Una Voce delle Venezie. All Rights Reserved.
cuvve
