Missale Romanum > Proprium de Tempore > Dominica Decima Sexta post Pentecosten Ordo Missæ | Præfationes | Canon Missæ Dominica Decima Quinta post Pentecosten
	Dominica   decima   sexta post   Pentecosten Semiduplex
	Introitus                                                 Ps. 85, 3 et 5 M Iserére mihi, Dómine, quóniam ad te clamávi tota die : quia tu, Dómine, suávis ac mitis es, et copiósus in misericórdia ómnibus invocántibus te. Ps. ibid., 1. Inclína, Dómine, aurem tuam mihi, et exáudi me : quóniam inops, et pauper sum ego. V). Glória Patri. Miserére. Oratio T Ua nos, quaésumus, Dómine, grátia semper et prævéniat et sequátur : ac bonis opéribus júgiter præstet esse inténtos. Per Dóminum. Orationes pro diversitate Temporum assignatæ, ut supra. [↑] Léctio Epístolæ beáti Pauli Apóstoli ad Ephésios Ephes. 3, 13-21 F Ratres : Obsecro vos, ne deficiátis in tribulatiónibus meis pro vobis : quæ est glória vestra. Hujus rei grátia flecto génua mea ad Patrem Dómini nostri Jesu Christi, ex quo omnis patérnitas in cælis et in terra nominátur, ut det vobis sec úndum divítias glóriæ suæ, virtúte corroborári per Spíritum ejus in interiórem hóminem, Christum habitáre per fidem in córdibus vestris : in caritáte radicáti et fundáti, ut póssitis comprehéndere cum ómnibus sanctis, quæ sit latitúdo et longitúdo et sublímitas et profúndum : scire etiam supereminéntem sciéntiæ caritátem Christi, ut impleámini in omnem plenitúdinem Dei. Ei autem, qui potens est ómnia fácere superabundánter, quam pétimus aut intellégimus, secúndum virtútem, quæ operátur in nobis : ipsi glória in Ecclésia et in Christo Jesu, in omnes generatiónes saéculi sæculórum. Amen. Graduale. Ps. 101, 16-17. Timébunt gentes nomen tuum, Dómine, et omnes reges terræ glóriam tuam. V). Quóniam ædificávit Dóminus Sion, et vidébitur in majestáte sua. Allelúja, allelúja. V). Ps. 97, 1. Cantáte Dómino cánticum novum : quia mirabília fecit Dóminus. Allelúja. Sequéntia sancti Evangélii secúndum Lucam Luc. 14, 1-11 I N illo témpore : Cum intráret Jesus in domum cujúsdam príncipis pharisæórum sábbato manducáre panem, et ipsi observábant eum. Et ecce, homo quidam hydrópicus erat ante illum. Et respóndens Jesus dixit ad legisperítos et pharisaéos, dicens : Si licet sábbato curáre? At illi tacuérunt. Ipse vero apprehénsum sanávit eum ac dimísit. Et respóndens ad illos, dixit : Cujus vestrum ásinus aut bos in púteum cadet, et non contínuo éxtrahet illum die sábbati? Et non póterant ad hæc respóndere illi. Dicebat autem et ad invitátos parábolam, inténdens, quómodo primos accúbitus elígerent, dicens ad illos : Cum invitátus fúeris ad núptias, non discúmbas in primo loco, ne forte honorátior te sit invitátus ab illo, et véniens is, qui te et illum vocávit, dicat tibi : Da huic locum : et tunc incípias cum rubóre novíssimum locum tenére. Sed cum vocátus fúeris, vade, recúmbe in novíssimo loco : ut, cum vénerit, qui te invitávit, dicat tibi : Amíce, ascénde supérius. Tunc erit tibi glória coram simul discumbéntibus : quia omnis, qui se exáltat, humiliábitur : et qui se humíliat, exaltábitur. Credo. Offertorium. Ps. 39, 14 et 15. Dómine, in auxílium meum réspice : confundántur et revereántur, qui quærunt ánimam meam, ut áuferant eam : Dómine, in auxílium meum réspice. Secreta M Unda nos, quaésumus, Dómine, sacrifícii præséntis efféctu : et pérfice miserátus in nobis; ut ejus mereámur esse partícipes. Per Dóminum. Aliæ Secretæ, ut supra. [↑] Præfatio de Ssma Trinitate. [↑] Communio. Ps. 70, 16-17 et 18. Dómine, memorábor justítiæ tuæ solíus : Deus, docuísti me a juventúte mea : et usque in senéctam et sénium, Deus, ne derelínquas me. Postcommunio P Urífica, quaésumus, Dómine, mentes nostras benígnus, et rénova cæléstibus sacraméntis : ut consequénter et córporum præsens páriter et futúrum capiámus auxílium. Per Dóminum. Aliæ Postcommuniones, ut supra. [↑]
Dominica Decima Septima post Pentecosten Ordo Missæ | Præfationes | Canon Missæ Vangelo latino-italiano pdf
Ad principium Scribe | Ad paginam principalem © 2001 - 2015  Coordinamento di Una Voce delle Venezie. All Rights Reserved.