MISSALE ROMANUM - Feria Secunda infra Octavam Pentecostes

Feria Secunda

infra  Octavam  Pentecostes

Duplex I classis

Statio ad S. Petrum ad Vincula

   Introitus
Ps. 80, 17

C

ibávit eos ex ádipe fruménti, allelúja : et de petra, melle saturávit eos, allelúja, allelúja. Ps. ibid., 2. Exsultáte Deo, adjutóri nostro : jubiláte Deo Jacob. V/. Glória Patri. Cibávit.

Oratio

D

eus, qui Apóstolis tui Sanctum dedísti Spíritum : concéde plebi tuæ piæ petitiónis efféctum; ut, quibus dedísti fidem, largíris et pacem. Per Dóminum ... in unitáte ejúsdem.

Léctio Actuum Apostolórum
Act. 10, 34 et 42-48

I

n diébus illis : Apériens Petrus os suum, dixit : Viri fratres, nobis præcépit Dóminus prædicáre pópulo : et testificári, qui ipse est, qui constit tus est a Deo judex vivórum et mortuórum. Huic omnes Prophétæ testimónium perhíbent, remissiónem peccatórum accípere per nomen ejus omnes qui credunt in eum. Adhuc loquénte Petro verba hæc, cécidit Spíritus Sanctus super omnes qui audiébant verbum. Et obstupuérunt ex circumcisióne fidéles qui vénerant cum Petro : quia in natiónes grátia Spíritus Sancti effúsa est. Audiébant illos loquéntes linguis et magnificántes Deum. Tunc respóndit Petrus : Numquid aquam quis prohibére potest, ut non baptizéntur hi qui Spíritum Sanctum accepérunt sicut et nos? Et jussit eos baptizári in nómine Dómini Jesu Christi.

Allelúja, allelúja. V/. Ps. Act. 2, 4. Loquebántur váriis linguis Apóstoli magnália Dei. Alleluja. (Hic genuflectitur.) V/. Veni, Sancte Spíritus, reple tuórum corda fidélium; et tui amóris in eis ignem accénde.

Sequentia

V

eni, Sancte Spíritus, et emítte caélitus lucis tuæ rádium.

Veni, Pater páuperum; veni, dator múnerum, veni, lumen córdium.

Consolátor óptime, dulcis hospes ánimæ, dulce refrigérium.

In labóre réquies, in æstu tempéries, in fletu solátium.

O lux beatíssima, reple cordis íntima tuórum fidélium.

Sine tuo númine, nihil est in hómine, nihil est innóxium.

Lava quod est sórdidum, riga quod est áridum, sana quod est sáucium.

Flecte quod est rígidum, fove quod est frígidum, rege quod est dévium.

Da tuis fidélibus, in te confidéntibus, sacrum septenárium.

Da virtútis méritum, da salútis éxitum, da perénne gáudium. Amen. Allelúja.

Sequéntia sancti Evangélii secúndum
Joánnem          Joann. 3, 16-21

I

n illo témpore : Dixit Jesus Nicodémo : sic Deus diléxit mundum, ut Fílium suum unigénitum daret : ut omnis qui credit in eum, non péreat, sed hábeat vitam ætérnam. Non enim misit Deus Fílium suum in mundum, ut júdicet mundum, sed ut salvétur mundus per ipsum. Qui credit in eum, non judicátur; qui autem non credit jam judicátus est quia non credidit in nomine unigeniti Filii Dei hoc est autem iudicium quia lux venit in mundum et dilexérunt hómines magis ténebras quam lucem erant enim eórum mala ópera omnis enim qui mala agit odit lucem et non venit ad lucem ut non arguántur ópera eius qui autem facit veritátem venit ad lucem ut manifesténtur eius ópera quia in Deo sunt facta.

Credo.

Offertorium. Ps. 17, 14 et 16. Intónuit de cælo Dóminus, et Altíssimus dedit vocem suam : et apparuérunt fontes aquárum, allelúja.

Secreta

P

ropítius, Dómine, quaésumus, hæc dona sanctífica : et, hóstiæ spiritális oblatióne suscépta, nosmetípsos tibi pérfice munus ætérnum. Per Dóminum.

Præfatio, Communicántes et Hanc ígitur, ut in die Pentecostes, supra.

Communio. Joann. 14, 26. Spíritus Sanctus docébit vos, allelúja : quæcúmque dixéro vobis, allelúja, allelúja.

Postcommunio

A

désto, quaésumus, Dómine, pópulo tuo : et, quem mystériis cæléstibus imbuísti, ab hóstium furóre defénde. Per Dóminum.

_______________

DOMINICA RESURRECTIONIS | Feria Secunda infra Octavam Paschæ | Feria Tertia infra Octavam Paschæ | Feria Quarta infra Octavam Paschæ | Feria Quinta infra Octavam Paschæ | Feria Sexta infra Octavam Paschæ | Sabbato in Albis | Dominica in Albis in Octava Paschæ | Dominica Secunda post Pascha | Dominica Tertia post Pascha | Dominica Quarta post Pascha | Dominica Quinta post Pascha | In Litaniis Majoribus et Minoribus | In Vigilia Ascensionis | IN ASCENSIONE DOMINI | Dominica infra Octavam Ascensionis | Sabbato in Vigilia Pentecostes | DOMINICA PENTECOSTES | Feria Secunda infra Octavam Pentecostes | Feria Tertia infra Octavam Pentecostes | Feria Quarta Quatuor Temporum Pentecostes | Feria Quinta infra Octavam Pentecostes | Feria Sexta Quatuor Temporum Pentecostes | Sabbato Quatuor Temporum Pentecostes

Ad principium

_______________