Missale Romanum > Proprium de Sanctis > Festa Aprilis > In solemnitate sancti Joseph Sponsi B. M. V. Conf. et Ecclesiae universalis Patroni Die 30 Aprilis. S. Catharinæ Senensis Virg.
Feria IV infra Hebdomadam II post Octavam Paschæ IN SOLLEMNITATE S. JOSEPH SPONSI B. M. V. CONF. ET ECCLESIÆ UNIVERSALIS PATRONI Duplex I classis cum Octava communi
	Introitus Ps. 32, 20-21 A djútor, et prótector noster est Dóminus : in eo lætábitur cor nostrum, et in nómine sancto ejus sperávimus, allelúja, allelúja. Ps. 79, 2. Qui regis Israël inténde : qui dedúcis, velut ovem, Joseph. V). Glória Patri. Adjútor. Oratio D eus, qui ineffábili providéntia beátum Joseph sanctíssimæ Genitrícis tuæ sponsum elígere dignátus es : præsta, quaésumus; ut, quem protectórem venerámur in terris, intercessórem habére mereámur in cælis : Qui vivis. Léctio libri Génesis Gen. 49, 22-26 F ílius accréscens Joseph, fílius accréscens, et decórus aspéctu : fíliæ discurrérunt super murum. Sed exasperavérunt eum, et jurgáti sunt, inviderúntque illi habéntes jácula. Sedit in forti arcus ejus, et dissolúta sunt víncula brachiórum et mánuum illíus per manus poténtis Jacob : inde pastor egréssus est, lapis Israël. Deus patris tui erit adjútor tuus, et Omnípotens benedícet tibi benedictiónibus cæli désuper, benedictiónibus abýssi jacéntis deórsum, benedictiónibus úberum et vulvæ. Benedictiónes patris tui confortátæ sunt benedictiónibus patrum ejus, donec veníret desidérium cóllium æternórum : fiant in cápite Joseph, et in vértice Nazaraéi inter frates suos. Allelúja, allelúja. V). De quacúmque tribulatióne clamáverint ad me, exáudiam eos, et ero protéctor eorum semper. Allelúja. V). Fac nos innócuam, Joseph, decúrrere vitam : sitque tuo semper tuta patrocínio. Allelúja. Sequéntia sancti Evangélii secúndum Lucam Luc. 3, 21-23 I n illo témpore : Factum est autem cum baptizarétur omnis pópulus, et Jesu baptizáto, et oránte, apértum est cælum : et descéndit Spíritus Sanctus corporáli spécie sicut colúmba in ipsum : et vox de cælo facta est : Tu es Fílius meus diléctus, in te complácui mihi. Et ipse Jesus erat incípiens quasi annórum trigínta, ut putabátur, fílius Joseph. Credo per totam Octavam. Offertorium. Ps. 147, 12 et 13. Lauda Jerúsalem Dóminum : quóniam confortávit seras portárum tuárum, benedíxit fíliis tuis in te, allelúja, allelúja. Secreta S anctíssimæ Genitrícis tuæ sponsi patrocínio suffúlti, rogámus, Dómine, cleméntiam tuam : ut corda nostra fácias terréna cuncta despícere, ac te verum Deum perfécta caritáte dilígere : Qui vivis. Præfatio de S. Joseph Et te in Festivitáte, quæ dicitur per totam Octavam, juxta Rubricas.[→] Communio. Matth. 1, 16. Jacob autem génuit Joseph virum Maríæ, de qua natus est Jesus, qui vocátur Christus, allelúja, allelúja. Postcommunio D ivíni múneris fonte refécti, quaésumus, Dómine Deus noster : ut, sicut nos facis beáti Joseph protectióne gaudére; ita, ejus méritis et intercessióne cæléstis glóriæ fácias esse partícipes. Per Dóminum. ¶ Infra Octavam Missa dicitur ut in Festo, additis tamen, juxta Rubricas, Orationibus pro diversitate Temporum assignatis, nempe 2ª Oratio de Sancta Maria Concéde, 3ª contra persecutores Ecclesiæ, vel pro Papa, supra.[↑] In die autem Octava, Missa ut in Festo. ¶ Pro votiva de S. Joseph dicitur Missa Adjutor, quæ habetur inter Missas votivas circa finem Missalis, infra.[↓]
Die 1 Maji. Ss. Philippi et Jacobi App. Ad principium Scribe | Ad paginam principalem © 2001 – 2015 Coordinamento di Una Voce delle Venezie. All Rights Reserved.