Missale Romanum > Missæ votivæ > II Missæ votivæ ad diversa > In Anniversario Electionis et Consecrationis Episcopi Ordo Missæ | Præfationes | Canon Missæ In Consecratione Episcopi
	IN ANNIVERSARIO ELECTIONIS et CONSECRATIONIS EPISCOPI
	¶ In Anniversario Electionis Episcopi, vel, si Episcopus ex alia Sede translatus fuerit, Translationis, necnon in Anniversario Consecrationis ejusdem, in ecclesiis Cathedralibus et Collegiatis Diœcesis, accedente Episcopi mandato, dicitur, ad modum votivæ sollemnis, juxta Rubricas, sequens Missa. Introitus                                                Ps. 131, 9-10 S Acerdótes tui, Dómine, índuant justítiam, et sancti tui exsúltent : propter David servum tuum, non avértas fáciem Christi tui (T. P. allelúja, allelúja). Ps. ibid., 1. Meménto, Dómine, David : et omnis mansuetúdinis ejus. V). Glória Patri. Sacerdótes tui. Oratio D Eeus, ómnium fidélium pastor et rector, fámulum tuum N., quem pastórem ecclésiæ N. præésse voluísti, propítius réspice : da ei, quaésumus, verbo et exémplo, quibus præest, profícere; ut ad vitam, una cum grege sibi crédito, pervéniat sempitérnam. Per Dóminum. Léctio Epístolæ beáti Pauli Apóstoli ad Hebrǽos Hebr. 5, 1-4 F Ratres : Omnis póntifex ex homínibus assumptus, pro homínibus constitúitur in iis, quæ sunt ad Deum, ut ófferat dona, et sacrifícia pro peccátis : qui condolére possit iis, qui ignórant et errant : quóniam et ipse circúmdatus est infirmitáte : et proptérea debet, quemádmodum pro pópulo, ita étiam et pro semetípso offérre pro peccátis. Nec quisquam sumit sibi honórem, sed qui vocátur a Deo, tamquam Aaron. Graduale Ps. 131, 16-17. Sacerdótes ejus índuam salutári : et sancti ejus exsultatióne exsultábunt. V). Illuc prodúcam cornu David : parávi lucérnam Christo meo. Allelúja, allelúja. V). Ps. 109, 4. Jurávit Dóminus, et non pœnitébit eum : Tu es sacérdos in ætérnum, secúndum órdinem Melchísedech. Allelúja. Post Septuagesimam, omissis Allelúja, et Versu sequenti, dicitur Tractus. Ps. 111, 1-3. Beátus vir, qui timet Dóminum : in mandátis ejus cupit nimis. V). Potens in terra erit semen ejus : generátio rectórum benedicétur. V). Glória et divítiæ in domo ejus : et justítia ejus manet in saéculum saéculi. Tempore autem Paschali omittitur Graduale, et ejus loco dicitur : Allelúja, allelúja. V). Ps. 109, 4. Jurávit Dóminus, et non pœnitébit eum : Tu es sacérdos in ætérnum, secúndum órdinem Melchísedech. Allelúja. V). Eccli. 45, 9. Amávit eum Dóminus, et ornávit eum: stolam glóriæ índuit eum. Allelúja. Sequéntia sancti Evangélii secúndum Marcum Marc. 13, 33-37 I N illo témpore : Dixit Jesus discípulis suis : Vidéte, vigiláte et oráte : nescítis enim, quando tempus sit. Sicut homo, qui péregre proféctus réliquit domum suam, et dedit servis suis potestátem cujúsque óperis, et janitóri præcépit, ut vígilet. Vigiláte ergo (nescítis enim, quando dóminus domus véniat : sero, an média nocte, an galli cantu, an mane) ne, cum vénerit repénte, invéniat vos dormiéntes. Quod autem vobis dico, ómnibus dico : Vigilate. Credo. Offertorium. Ps. 88, 25. Véritas mea et misericórdia mea cum ipso : et in nómine meo exaltábitur cornu ejus (T. P. allelúja). Secreta O Blátis, quaésumus, Dómine, placáre munéribus : et fámulum tuum N., quem pastórem ecclésiæ N. ræésse voluísti, assídua protectióne gubérna. Per Dóminum. Communio. Matth. 24, 46-47. Beátus servus, quem, cum vénerit dóminus, invénerit vigilántem : amen, dico vobis, super ómnia bona sua constítuet eum (T. P. allelúja). Postcommunio H Æc nos, quaésumus, Dómine, divíni sacraménti percéptio prótegat : et fámulum tuum N., quem pastórem ecclésiæ N. præésse voluísti; una cum commísso sibi grege, salvet semper et múniat. Per Dóminum.
In Collatione sacrorum Ordinum Ordo Missæ | Præfationes | Canon Missæ Vangelo latino-italiano pdf
Ad principium Scribe | Ad paginam principalem © 2001 - 2015  Coordinamento di Una Voce delle Venezie. All Rights Reserved.