PROPRIUM MISSARUM PRO VENETIARUM PATRIARCHATU - Die 8 Januarii. S. LAURENTII JUSTINIANI, Episcopi et Confessoris Protopatriarchæ et Compatroni Principalis Venetiarum

Proprium Missarum pro Venetiarum Patriarchatu > Festa Januarii > S. LAURENTII JUSTINIANI, Episcopi et Confessoris Protopatriarchæ et Compatroni Principalis Venetiarum

FESTA   JANUARII

die 8 januarii

IN FESTO

S. LAURENTII JUSTINIANI

Episcopi et Confessoris

Protopatriarchæ et Compatroni

Principalis Venetiarum

   Introitus
Ps. 131.

S

Acerdótes tui, Dómine, índuant justítiam, et sancti tui exsúltent : propter David servum tuum, non avértas fáciem Christi tui.

Ps. ibid. Meménto, Dómine, David : et omnis mansuetúdinis ejus.

V). Glória Patri.

Oratio

P

Ræsta, quaésumus, omnípotens Deus : ut beáti Lauréntii Confessóris tui atque Pontíficis, cujus gaudémus méritis, instruámur exémplis atque doctrínis. Per Dóminum.

Et fit comm. Octavæ Epiphaniæ, ut in Missali.

Léctio libri Sapiéntiæ                           Sap. c. 8.

S

Apiéntiam amávi, et exquisívi a juventúte mea, et quaésívi sponsam mihi eam assúmere, et amátor factus sum formæ illíus. Generositátem illíus gloríficat, contubérnium habens Dei, sed et ómnium Dóminus diléxit illam. Doctrix enim est disciplínæ Dei, et eléctrix óperum illíus. Et si divítiæ appetúntur in vita, quid sapiéntia locuplétius, quæ operátur ómnia? Si autem sensus operátur, quis horum, qua sunt, magis quam illa est ártifex? Et si justítiam quis díligit, labóres hujus magnas habent virtútes: sobrietátem enim et prudéntiam docet, et justítiam et virtútem, quibus utílius nihil est in vita homínibus.

Graduale. Eccli. 44. Ecce sacérdos magnus, qui in diébus suis plácuit Deo.

V). Non est invéntus símilis illi, qui conserváret legem Excélsi.

Allelúja, allelúja. V). Osée 14. Justus germinábit sicut lílium : et florébit in ætérnum ante Dóminum. Allelúja.

Sequéntia sancti Evangélii secúndum
Lucam                                  c. 11.

I

n illo témpore : Dixit Jesus discípulis suis : Nemo lucérnam accéndit, et in abscóndito ponit, neque sub módio : sed sopra candelábrum, ut qui ingrediúntur, lumen vídeant. Lucérna córporis tui est óculus tuus. Si óculus tuus fúerit simplex, totum corpus tuum lúcidum erit; si autem nequam fúerit, etiam corpus tuum tenebrósum erit. Vide ergo, ne lumen, quod in te est, ténebra sint. Si ergo corpus tuum totum lúcidum fúerit, non habens áliquam partem tenebrárum, erit lúcidum totum, et sicut lucérna fulgóris illuminábit te.

Credo.

Offertorium. Ps. 88. Véritas mea, et misericórdia mea cum ipso : et in nómine meo exaltábitur cornu ejus.

Secreta

S

Ancti Lauréntii Confessóris tui atque Pontíficis, quaésumus, Dómine, ánnua sollémnitas pietáti tuæ nos reddat accéptos : ut per hæc piæ placatiónis offícia, et illum beáta retribútio comitétur, et nobis grátiæ tuæ dona concíliet. Per Dóminum.

Præfatio et Communicantes de Epiphania.

Communio. Luc. 12. Fidélis servus et prudens, quem constítuit Dóminus super famíliam suam ut det illis in témpore trítici mensúram.

Postcommunio

Q

Uos cælésti alimónia satiásti, quaésumus, omnípotens Deus : ut ad imitatiónem beáti Lauréntii Confessóris tui atque Pontíficis, eos fácias próspera mundi despícere, et veram sapiéntiam, quam amávit, quaérere et inveníre. Per Dóminum.

Ad principium

_______________