PROPRIUM MISSARUM PRO VENETIARUM PATRIARCHATU - Die 13 Februarii. Ss. Fuscæ Virginis et Mauræ Martyrum

Proprium Missarum pro Venetiarum Patriarchatu > Festa Februarii > Ss. Fuscæ Virginis et Mauræ Martyrum

die 13 februarii

Ss. Fuscæ Virg. et Mauræ

Martyrum

Introitus                                                   Ps. 107.

D

A nobis, Deus, auxílium de tribulatióne, quia vana salus hóminis : in Deo faciémus virtútem et ipse ad níhilum dedúcet inimícos nostros.

Ps. ibid. Parátum cor meum, Deus, parátum cor meum : cantábo et psallam in glória mea.

V). Glória Patri.

Oratio

D

A nobis, quaésumus, Dómine Deus noster, beatárum Fuscae Vírginis et Mauræ Mártyrum tuárum palmas incessábili devotióne venerári : ut, quas digna mente celebráre non póssumus, humílibus saltem frequentémus obséquiis. Per Dóminum.

In Quadragesima fit comm. Feriæ.

Léctio Epístolæ beáti Pauli Apóstoli ad Corínthios                                                2. Cor., 4.

F

Ratres : Deus illúxit in córdibus nostris ad illuminatiónem sciéntiæ claritátis Dei, in fácie Christi Jesu. Habémus autem thesáurum istum in vasis fictílibus, ut sublímitas sit virtútis Dei, et non ex nobis. In ómnibus tribulatiónem pátimur, sed non angustiámur; aporiámur, sed non destitúimur; persecutiónem pátimur, sed non derelínquimur, dejícimur, sed non perímus; semper .mortificatiónem Jesu in córpore nostro circumferéntes, ut et vita Jesu manifestétur in corpóribus nostris. Semper enim nos, qui vívimus, in mortem trádimur propter Jesum, ut et vita Jesu manifestétur in carne nostra mortáli. Propter quod non defícimus, sed licet is qui foris est noster homo corrumpátur, tamen is qui intus est renovátur de die in diem. Id enim, quod in præsénti est momentáneum et leve tribulatiónis nostræ, supra modum in sublimitáte ætérnum glóriaæ pondus operátur in nobis.

Graduale. Ps. 59. Da nobis, Deus, auxílium de tribulatióne, quia vana salus hóminis. V). In Deo faciémus virtútem; et ipse ad níhilum dedúcet tribulántes nos.

Allelúja, allelúja. V). Apoc. 7. Venérunt de tribulatióne magna, et lavérunt stolas suas et dealbavérunt eas in sánguine Agni. Allelúja.

¶ Post Septuagesimam, omissis Allelúja, et Versu seguenti, dicitur

Tractus. Ps. 65. Probásti nos, Deus, igne nos examinàsti sicut examinátur argéntum. V). Induxísti nos in láqueum, posuísti tribulatiónes in dorso nostro, imposuísti hómines super cápita nostra. V). Transívimus per ignem et aquam, et eduxísti nos in refrigérium.

¶ Tempore Paschali omittitur Graduale, et ejus loco dicitur :

Allelúja, allelúja. Apoc. 7. Venérunt de tribulatióne magna, et lavérunt stolas suas et dealbavérunt eas in sánguine Agni. Allelúja. V). Apoc. 12. Non dilexérunt ánimas suas usque ad mortem; proptérea lætámini cæli, et qui habitátis in eis. Allelúja.

Sequéntia sancti Evangélii secúndum
Matthaéum                                         c. 13.

I

N illo témpore : Dixit Jesus discípulis suis parábolam hanc : Simile est regnum cælórum thesáuro abscóndito in agro; quem qui invénit homo abscóndit, et præ gáudio illíus vadit, et vendit univérsa qua habet, et emit agrum illum. Iterum simile est regnum cælórum hómini negotiatóri, querénti bonas margarítas; invénta autem una pretiósa margaríta, àbiit, et véndidit ómnia quæ hábuit, et emit eam. Iterum símile est regnum cælórum sagénæ missæ in mare, et ex omni génere píscium congregánti; quam, cum impléta esset, educéntes et secus litus sedéntes, elegérunt bonos in vasa, malos autem foras misérunt. Sic erit in consummatióne saéculi : exíbunt Angeli, et separábunt malos de médio justórum. Et mittent eos in camínum ignis : ibi erit fletus, et stridor déntium. Intellexístis hæc ómnia? Dicunt ei : Etiam. Ait illis : Ideo omnis scriba doctus in regno cælórum, símilis est hómini patrifamílias, qui profert de thesáuro suo nova et vétera.

Offertorium. Ps. 104. Quaérite Dóminum, et confirmámini; quaérite fáciem ejus semper.

Secreta

I

Nténde, quaésumus, Dómine, múnera altáribus tuis pro beatárum Fuscæ Vírginis et Mauraæ Mátyrum tuárum, honóre propósita : ut, sicut per hæc sacra mystéria illis glóriam contulísti; ita nobis indulgéntiam largiáris. Per Dóminum.

Communio. Matth. 13. Símile est regnum cælórum thesáuro abscóndito in agro; quem qui invénit homo, abscóndit, et præ gáudio illíus vadit, et vendit univérsa quæ habet, et emit agrum illum.

Postcommunio

P

Ræsta nobis, quaésumus, Dómine, intercedéntibus beátis Fusca Vírgine et Máura Martýribus tuis : ut, quod ore contíngimus, pura mente capiámus. Per Dóminum.

Ad principium

_______________