PROPRIUM MISSARUM PRO VENETIARUM PATRIARCHATU - Die 10 Novembris. S. Theodori Militis Amaseæ, Mart., Venetiarum Patroni

Proprium Missarum pro Venetiarum Patriarchatu > Festa Novembris > S. Theodori Militis Amaseæ, Mart., Venetiarum Patroni

die 10 novembris

in festo

S. theodori

Militis Amaseæ, Mart.,

Venetiarum Patroni

Missa Lætábitur, de Comm. unius Mart. non Pont., 4° loco, præter Orationes sequentes.

In Patriarchali Basilica dicitur Credo.

Oratio

D

Eus, qui nos beáti Theodóri Mártyris tui confessióne gloriósa circúmdas et prótegis : præsta nobis ex ejus imitatióne profícere, et oratióne fulcíri. Per Dóminum.

Et fit comm. S. Andreæ Avellini, Conf.

Oratio

D

Eus, qui in corde beáti Andréæ Confessóris tui, per árduum cotídie in virtútibus proficiéndi votum, admirábiles ad te ascensiónes disposuísti : concéde nobis, ipsíus méritis et intercessióne, ita ejúsdem grátiæ partícipes fieri; ut, perfectióra semper exsequéntes, ad glóriæ tuæ fastígium felíciter perducámur. (Per Dóminum).

Deinde in Missa privata fit quoque comm. Ss. Tryphonis, Respicii et Nymphæ Virg., Martyrum

Oratio

F

Ac nos, quaésumus, Dómine, sanctórum Mártyrum tuórum Tryphónis, Respícii et Nymphæ semper festa sectári : quorum suffrágiis, protectiónis tuæ dona sentiámus. Per Dóminum.

Secreta

S

Úscipe, Dómine, fidélium preces cum oblatiónibus hostiárum : et, intercedénte beáto Theodóro Mártyre tuo, per hæc piæ devotiónis offícia ad cæléstem glóriam transeámus. Per Dóminum.

Pro S. Andrea Avellino, Conf.

Secreta

L

Audis tibi, Dómine, hóstias immolámus in tuórum commemoratióne Sanctórum : quibus nos et præséntibus éxui malis confídimus, et futúris. (Per Dóminum).

Pro Sanctis Martyribus

Secreta

M

Únera tibi, Dómine, nostræ devotiónis offérimus : quæ et pro tuórum tibi grata sint honóre justórum, et nobis salutária, te miseránte, reddántur. Per Dóminum.

Postcommunio

P

Ræsta nobis, quaésumus, Dómine : intercedénte beáto Theodóro Mártyre tuo; ut, quod ore contíngimus, pura mente capiámus. Per Dóminum.

Pro S. Andrea Avellino, Conf.

Postcommunio

R

Efécti cibo potúque cælésti, Deus noster, te súpplices exorámus : ut, in cujus hæc commemoratióne percépimus, ejus muniámur et précibus. (Per Dóminum).

Pro Sanctis Martyribus

Postcommunio

H

Æc nos commúnio, Dómine, purget a crímine : et intercedéntibus sanctis Martýribus tuis Tryphóne, Respício et Nympha, cæléstis remédii fáciat esse consórtes. Per Dóminum.

Ad principium

_______________